1 Ahpw me pwulopwul sang ie kan kouruhr kin ie met!
2 Irail pwihn sakanakan oh soh katepe kei,
3 Re inenen semwehmwe oh kin men mwenge;
4 Re usada dipwen nan sapwtehn oh kang,
5 Aramas akan wering irail oh pwakihirailla,
6 Re kin kousoan nan pwoaren paip akan,
7 Re weriwer duwehte mahn en nanwel akan
8 Pwihn soh katepe oh sohte wadarail!
9 Eri, met re kodohn kouruhrkin ie;
10 Re sautikin ie;
11 Pwehki Koht eh ketin kaluweteiehla oh kapaisuwedihiehla,
12 Pwihn wet kin uhwong ie wasa koaros me I kin kohla ie;
13 Re sopukiehla oh song en kauweiehla;
14 Re duwallong nan pwoahr me perepere ie
15 I rerrerki ei masepwehk;
16 Eri, met I nektehn mehla;
17 Tih kat koaros kin medek nipwong;
18 Koht ketin koledier tepinwereiet
19 E ketin keseiedier nan pwelmatak;
20 Maing Koht, I patohwan likweriong komwi, komwi ahpw sohte ketin sapeng;
21 Komwi ketin wiakauweielahr;
22 Komwi ketin mweidohng kisinieng en ipiriehla;
23 I patohwan ese me komwi pahn ketin pangielahr ong mehla,
24 Dahme komwi mahwenkihong aramas emen me ohlahr,
25 I seu kin iang aramas akan sengiseng ni ahnsou apwal,
26 I koapworopworki peren oh marain,
27 I ohkilahr kowahlap pwunod oh medek;
28 I kin kohkohseli diren nsensuwed, sohte kamarainpei;
29 Ngilei me diren pahtou oh sangat
30 Kiliet toantoallahr; I mwasingkilahr soumwahu karakar.
31 Mahs I kin rongorong ngilen keseng kaperen,