1 Mei kind, fagess nett vass ich dich gland habb,
2 Fa si zayla diah en lang layva, langi yoahra,
3 Loss leevi un shtandhaftichkeit dich nett falossa,
4 No zaylsht du ohksenna sei un en goodah nohma havva,
5 Faloss dich uf da Hah mitt deim gans hatz,
6 denk an een in awl dei vayya,
7 Dink dich nett oh fa selvaht veisheit havva,
8 Dess macht dei leib ksund,
9 Gebb em Hah eah bei eem gevva funn vass du hosht,
10 No vadda dei sheiyahra kfild mitt blendi,
11 Mei kind, dray's nett nunnah vann da Hah dich recht setzt,
12 Fa veah da Hah leeb hott, sellah dutt eah shtrohfa,
13 Ksaykend is da mann es veisheit find,
14 Veisheit is may veaht zu diah es silvah,
15 Veisheit is may veaht es deiyahri pearls,
16 Lang layva is in di veisheit iahra rechtsi hand,
17 Iahra vayya sinn leeblich,
18 Di veisheit is en layves-bohm zu selli es see ohnemma,
19 Bei veisheit hott da Hah di eaht kshaffa,
20 Bei sei eisicht hott eah di deefa vassahra fadayld,
21 Mei kind, hald veisheit un goodah fashtand,
22 Si zayla layva sei fa dei sayl,
23 No zaylsht du dei vayk lawfa unni kfoah,
24 Vann du dich anna layksht, brauchsht du dich nett feicha,
25 Feich dich nett veyyich unfahoft druvvel,
26 fa da Hah is dei drohsht,
27 Hald dich nett funn goot du zu selli es es veaht sinn,
28 Sawk nett zu deim nochbah,
29 Mach nett aus fa letz du zu deim nochbah,
30 Shvetz nett bays zu ennich ebbah unni uahsach,
31 Sei nett jealous funn ennich ebbah es gvald yoost,
32 Da Hah hast ebbah es evil dutt,
33 Em Hah sei fluch is uf di gottlohsa iahra haus,
34 Eah fashpott selli es shpott macha,
35 Leit mitt veisheit eahva hohchi eah,