1 Mei kind, vann du mei vadda ohnemsht,
2 so es dei oah acht hott zu veisheit,
3 un vann du naus roofsht fa eisicht,
4 un vann du sell suchsht es vi fa silvah,
5 no zaylsht du di furcht fumm Hah fashtay,
6 Fa da Hah gebt veisheit;
7 Eah shtoaht veisheit uf fa selli es ufrichtich sinn,
8 fa eah heet di pawt funn selli es anri recht yoosa,
9 No zaylsht du gerechtichkeit fashtay, un aw sell vass recht is,
10 Fa veisheit zayld in dei hatz kumma,
11 Goodah fashtand zayld dich heeda,
12 un dich vekk halda fumm evila vayk,
13 funn selli es grawdi pawda falossa,
14 selli es blesiah henn in evil du,
15 Iahra pawda sinn grumm,
16 Dess hald dich vekk funn di fremd fraw,
17 selli es iahra mann falossa hott es see yung keiyaht hott,
18 Iahra haus fiaht nunnah zumm doht,
19 Kenni es zu iahra gayn kumma viddah zrikk,
20 So musht du da vayk lawfa funn goodi mennah,
21 Fa di ufrichticha zayla im land layva,
22 Avvah di gottlohsa zayla abkshnidda sei fumm land,