1 “Avvah nau selli es yingah sinn es ich, fashpodda mich;
2 Vass goot voahra di grefta funn iahra hend zu miah,
3 Si voahra dinn un dah funn hungahs-noht,
4 Si henn sals-graut ksammeld funn di hekka-putsha,
5 Si voahra unnich di leit vekk gedrivva;
6 Si henn missa voona in di gracha an di grikka nohch,
7 Kshvissich di hekka-putsha henn si naus gegrisha,
8 Si sinn gottlohsi leit es kenn nohma henn;
9 Nau fashpodda iahra kinnah mich, un singa shpott-leedah;
10 Ich binn grausam zu eena un si halda sich vekk funn miah,
11 Gott hott mei bowstring lohs glost un mich shvach gmacht,
12 Uf mei rechtsi seit doon si ufgenga geyyich mich,
13 Si shneida mei pawt ab un broviahra mich umbringa,
14 Si kumma an mich vi deich en loch in di vand,
15 Ich binn ivvah-kumma un fagelshtaht,
16 Un nau is es layva funn mei sayl am ausgleaht vadda;
17 Deich di nacht boaht's deich mei gnocha,
18 Mitt grohsi gvald vadda mei glaydah runslich,
19 Gott hott mich in da drekk kshmissa,
20 Ich roof zu diah, oh Gott, fa hilf, avvah du gebsht mich kenn andvat;
21 Du hosht shreklich geyyich mich gedrayt;
22 Du haybsht mich uf un dreibsht mich fannich em vind,
23 Fa ich vays es du mich zumm doht bringa zaylsht,
24 Dutt nett aynah es nunnah gebrocha is sei hand naus shtrekka,
25 Habb ich nett keild ivvah selli es en hatt layva henn?
26 Avvah vo ich koft habb fa goodes sayna, is evil kumma;
27 Ich binn am innahlich farissa vadda, un's shtobt nett,
28 Ich gay rumm un binn shvatz gmacht, avvah nett bei di sunn;
29 Ich binn en broodah vadda zu di faxa,
30 Mei haut drayt shvatz,
31 Mei harf shpeeld yusht fa di bedreebda,