1 “Mei ohften is shvach;
2 Shpoddah sinn um mich rumm,
3 Oh Hah, shtay goot fa mich mitt diah selvaht;
4 Du hosht iahra hatz kalda funn fashtay,
5 Vann ebbah sei freind faroht so es eah en dayl funn seim sach grikt,
6 Gott hott mich en kshvetz gmacht zu di leit,
7 Mei awk is dunkel vadda funn dreebsawl,
8 Ufrichtichi leit sinn fashtaund ivvah dess,
9 Avvah di gerechta halda oh iahra vayk gay,
10 Kummet nau, un sawwet viddah vass diah am sawwa voahret;
11 Mei dawwa sinn faddich; vass ich du habb vella is zu nix kumma,
12 Dee mennah vella di nacht zu dawk drayya;
13 Vann's grawb di hofning funn mei haymet is,
14 Vann ich's grawb mei faddah hays,
15 vo dann is mei hofning?
16 Gayt di hofning mitt miah nunnah in's grawb?