1 Heichet, oh himla, ich zayl shvetza;
2 Loss vass ich eich lann, runnah falla vi reyyah
3 Ich zayl da nohma fumm Hah preisa;
4 Eah is da Felsa, sei verka sinn folkumma;
5 Si henn sich veeshtahlich ohkshikt geyyich een;
6 Is dess da vayk es diah da Hah zrikk betzawlet,
7 Denket zrikk an di alda dawwa,
8 Vo da Alli-Haychsht di heida iahra eahbshaft gevva hott,
9 Dess voah veil em Hah sei dayl sei aykni leit sinn,
10 Eah hott een kfunna draus im drukka land,
11 Vi en awdlah es sei nesht uf shtatt,
12 Da Hah selvaht hott een kfiaht,
13 Eah hott een gmacht foahra in di hohcha bletz funn di eaht,
14 Eah hott een kfeedaht mitt buddah un millich funn kee un shohf,
15 Da Jesurun is fett vadda un hott gekikt;
16 Si henn een jealous gmacht mitt fremdi gettah,
17 Si henn gopfaht zu baysi geishtah, es nett Gott voahra,
18 Du bisht vekk gedrayt fumm Felsa es dich gezeikt hott,
19 Da Hah hott dess ksenna un hott si fa'acht,
20 No hott eah ksawt, “Ich fashtekkel mei ksicht funn eena,
21 Si henn mich jealous gmacht mitt sell es nett Gott is,
22 En feiyah is ohkshtekt vatt bei mei zann,
23 Ich heifel veeshti sacha uf ivvah si,
24 Si zayla fazeaht vadda mitt hungahs-noht,
25 Draus im uffena kumma si um mitt em shvatt,
26 Ich hett ksawt, ‘Ich zayl si gans ausnannah shtroiya,
27 Avvah ich habb nett havva vella es iahra feinda braekka,
28 Israel is en folk unni goodah roht,
29 Vann si veisheit hedda, dayda si dess fashtay,
30 Vee kend's sei es aynah en dausend funn eena yawwa kend,
31 Iahra felsa is nett vi unsah Felsa,
32 Iahra vei-shtokk is da vei-shtokk funn Sodom,
33 Iahra vei is es gift funn shlanga,
34 “Habb ich dee sacha nett ufkshtoaht,
35 'Sis an meim blatz fa auseeva; ich zayl si zrikk betzawla.
36 Da Hah zayld sei leit richta
37 Eah zayld sawwa, “Nau vo sinn iahra gettah,
38 di gettah es es fett funn iahra opfahra gessa henn,
39 Saynet nau, ich laynich binn Een,
40 Ich hayb mei hand nuff zumm himmel un sawk:
41 vann ich mei glitzahrichi shvatt vetz,
42 Ich mach mei arrows ksoffa mitt bloot,
43 Froiyet eich, oh heida, ivvah sei leit,
44 Da Mosi is kumma un hott awl di vadda funn demm leet ksawt es di leit's heahra henn kenna, eah un da Joshua, em Nun sei boo.
45 Vo da Mosi faddich voah awl dee vadda sawwa zu gans Israel,
46 hott eah ksawt zu eena, “Nemmet zu hatz awl di vadda es ich eich ksawt habb heit, so es diah si gevvet zu eiyah kinnah, un es si acht gevva fa awl di vadda funn demm ksetz halda.
47 Dess sinn nett yusht leahri vadda fa eich avvah si sinn eiyah layva. Bei dee vadda zayla diah lang layva im land es diah ivvah da Jordan nivvah gaynd fa ivvah-nemma.”
48 Sellah saym dawk hott da Hah ksawt zumm Mosi,
49 “Gay nuff in di berga funn Abirim uf da Berg Nebo in Moab, uf dee seit funn Jericho, un gukk naus ivvah's land Kanaan. Dess is es land es ich am di Kinnah-Israel gevva binn fa iahra ayknes sei.
50 Datt uf em berg es du gegraddeld hosht zaylsht du shtauva un zu dei leit gay. Dess is vi dei broodah da Aaron kshtauva is uf em Berg Hor, un is zu sei leit ganga.
51 Dess is veil diah awl zvay nett ufrichtich voahret mitt miah fannich di Kinnah-Israel an di vassahra funn Meribah, datt an Kades in di Vildahnis funn Zin. Diah hend mei heilichkeit nett uf kohva fannich di Kinnah-Israel.
52 Fasell, daufsht du's land yusht sayna funn shtikk ab, avvah daufsht nett in's land gay es ich am di Kinnah-Israel gevva binn.”