1 O Hatonda, noŋole
2 Neyiniha mu luteete, ŋaŋuma eroba egumu aŋa panga ohwemeerera
3 Ndembire ohulira ni nenda obuyeedi noomire ŋa mamiro
4 Abo abacaawa aŋaŋuma songa yosiyosi bangi bugali
5 O Hatonda, omanyire ebibi byange
6 O Musengwa Omwene Maŋe,
7 Nehalirihire ebiduho hu lulwo
8 Ndi hyʼomulugendwa eyiri abaganda bange
9 Hiri hiityo olwohuba ohwenda ohunendamo enyumba yiyo hulinjitisa
10 Ni ndira era nasiiba
11 Banjeherera ni nambala ehigwali
12 Abo abeehala hu mulyango banjerega
13 Aye Musengwa, kusunga
14 Ponie, otandeha hweyiniha mu luteete
15 Otaleha mataba huupira
16 O Musengwa, gobolamo ohusaba hwange
17 Otehweha mwidu wuwo
18 Sembera era wununule,
19 Omanyire ngʼolu balabe bange banjooga,
20 Banduhire era bakeniremo amaani ndi aŋo tyotyo.
21 Enjala ni yaali ni yinduma, baapa emere eyi batayemo enduse
22 Kale leha ebiiŋulo byawe bibafuuhire mutego, bibafuuhire hagumba wegoge,
23 Leha emoni jaawe jiijeho olubooha batabona nʼohubona
24 Bajuheho ehiruŋi hihyo
25 Leha ehibbwe hyembere mu gunda lirye,
26 Hiri hiityo olwohuba bahiyaania abo aba wahena hale ohuboneresa
27 Beguleho emisango nʼemisango
28 Basangule mu hitabo ehyʼobulamu
29 Ndi mu bulumi nʼohubonaabona
30 Najumiryenga Hatonda nʼolwembo
31 Ehyo hija husangaasanga Musengwa ohuhiraho ohumuŋa esaame,
32 Abagadi baja hubona basangaale
33 Musengwa aŋulira esaala jʼabali mu wetaavu
34 Ebiitu ebiri mwigulu nohu hyalo, bimujumirye
35 Hiri hiityo olwohuba Hatonda alinoŋola Sayuuni
36 Abejuhulu babaŋeeresa babe balihisikira