1 Omwoyo gwange gwituluha ebiraŋi ni nembera habaha ebi seega
2 Ndiiwe omusinde omuŋoono ohira abandi bosibosi
3 Wefiihe epiima yiyo hu nduuhu ewe owʼamaani amangi.
4 Mwiŋono liryo oŋanguuye
5 Lasula obusaale wuwo owoogi bufumite emyoyo jʼabalabe ba Habaha.
6 O Hatonda, owahabaha wuwo buja hubererera emirembe nʼemirembe.
7 Wenda obutukirivu aye ocaawa ehibi.
8 Ebyambalo bibyo ebyʼobuŋugi biŋunya ahaloosa aha miira nʼaha alowe naha kasiya.
9 Mu bahasi abahulabirira mulimo nʼabahaana ba habaha.
10 Muhaana, ŋuliirisa era faayo hu ebi ndoma
11 Obuŋoono wuwo wuŋirire omwoyo gwa habaha.
12 Abaatu bʼe Tiiro balihuleetera ebirabo
13 Omumbeja ali mu lubiri era gejuuye eŋono.
14 Mu byambalo ebigohobe obulaŋi bamuŋerehera ewa habaha
15 Bali humuleeta mu sangaalo nʼohusaŋalya
16 Abaana babo balisikira abasehulu baawe
17 Nja huleetera abaatu abʼemirembe josijosi ohuhuhebuliranga