1 O Hatonda, hwaŋulira nʼamatwi geefe
2 Watambisa obuŋangi wuwo wabbinga amawanga omu watongosa abasehulu beefe.
3 Ohuŋangula amawanga sihyali lwa bisoosa byʼabasehulu beefe abeene.
4 Ndiiwe habaha wange era Hatonda wange,
5 Olwʼobuŋangi wuwo, huŋangula abalabe beefe,
6 Sinesiga hasaale hange,
7 Ne ndiiwe otuŋa ohuŋangula abasigu beefe,
8 Oludaalo lwosirwosi hwenyumikirihisa mu ndiiwe Hatonda
9 Aye ŋaahani otuhubbire omugongo era otwihiise ŋaasi
10 Waagima hwaduluma abalabe beefe
11 Watuŋayo batunawuujule hyʼetaama
12 Watunda abaatu babo hu bbeeyi eyaŋaasi
13 Otufuuye eduho eyiri abaliranwa beefe
14 Otufuuye ehiitu ehyohwenyinyalya eyiri abanamawanga,
15 Basiiba ni banyooma,
16 Eriyo abo abakayuhira ni banduulira
17 Ebyo byosibyosi bitwolireeho wayire sihuhwibiriranga
18 Mu myoyo jeefe sihuhuŋwangaho
19 Aye watuleha mu gasolo eŋuma otuyeeda
20 Singa hwali hwibiriiye Hatonda weefe
21 Hatonda amanyire ebyama ebiri
22 Atenga hiisi ludaalo batwehoyera ohutuhenaŋo hu lulwo.
23 O Musengwa, yinyoha lwahiina oŋenyuha?
24 Lwahiina otwehweha
25 Huguuye mu fuuhe,
26 Yinyoha otuyeede,