1 Mweyaase Musengwa olwohuba mulaŋi,
2 Leha aba Musengwa ganunula balome baatyo,
3 Abo abagatusa ohuŋwa mu mawanga,
4 Abandi batangatangira mu lulafu
5 Enjala nʼenduŋo byabaluma
6 Ngʼaŋo beriririra Musengwa mu bigosi byawe
7 Gabatangirira mu ngira enuŋamu
8 Leha beyaase Musengwa olwohuba ohwenda huhwe hubitiirifu
9 Hiri hiityo olwohuba aba enduŋo eruma abaŋa ehyohunywa
10 Abandi baali baŋutaliiye mu hiirema, ni beboŋeeye mu hubonaabona,
11 olwohuba baali bajemeeye ebiragiro bya Hatonda Owaŋamugulu Obugali
12 Gaabaŋwa olwʼohufululuhana ohwʼamaani,
13 Ngʼaŋo beriririra Musengwa mu bigosi byawe
14 Ngʼabatusa mu hiirema nomu hufa,
15 Leha beyaase Musengwa olwohuba ohwenda huhwe hubitiirifu
16 Hiri hiityo olwohuba abbwagabbwaga enjigi ejʼebihomo
17 Balala hu bo bafuuha baŋubeebe olwʼebibi byawe,
18 Emyoyo jaawe nga jenyinyalya ebyʼohulya byosibyosi,
19 Ngʼaŋo beriririra Musengwa mu bigosi byawe
20 Galagira hulagira baŋona,
21 Leha beyaase Musengwa olwohuba ohwenda huhwe hubitiirifu
22 Leha baŋeyo eŋongo ni beyaasa,
23 Abandi hu bo basabaalira mu meeri hu nyanja
24 Baabona ebi Musengwa ahola,
25 Galagira omuyaga gwenyoha,
26 Bedunda ŋamugulu mu bbanga nga bahena beeha ŋaasi mu njuho,
27 Olumbuuju lwabaŋamba era batagala hyʼabameesi,
28 Ngʼaŋo beriririra Musengwa mu bigosi byawe
29 Gehahania omuyaga
30 Basangaala enyanja ni yabunjeera,
31 Leha beyaase Musengwa olwohuba ohwenda huhwe hubitiirifu
32 Leha balangirire obubbala wuwe mu lwijuuye lwʼabaatu
33 Gafuula enjabi lulafu,
34 Ehyalo ehigimu gahifuula ehyʼoluunyu,
35 Gafuula olulafu bidiba byʼamaaji,
36 Omwo njʼomugata abayala
37 Bamwa obumo mu bisambu,
38 Gabaŋa ekabi baala bugali weene
39 Ngʼaŋo bahendeera obungi era babatusaaho obuŋangi
40 Oyo agima abahungu babajerega,
41 Aye gaŋonia abagadi gabatusa mu hubonaabona hwawe
42 Abagwalaafu babibona nga basaŋalya
43 Hiisi ali nʼamagesi, ate omwoyo hu biitu ebyo,