1 De Ia Aamua, gimaadeu e nnoho paba i oo daha
2 I mua de hai ga hanu mounga,
3 Koe e hai dangada gi ahe ange gi de gelegele,
4 Gai de mano ngadau i oo daha
5 Koe e kave mouli o dangada bei dagodo o tolona;
6 gilaadeu e matili age ga ssomo danuaa i taiao,
7 Gimaadeu gu hagaduasala i doo lili,
8 Koe e gidee omaadeu baubau,
9 Laangi alodahi o omaadeu mouli e moolau naa donu de odi i doo lili,
10 Gai de lagolago o odaadeu ngadau e mouli ai se madahidu,
11 Goai e donu ange gi mahi o doo lili?
12 Agoagona mai gimaadeu de dau taelodo o omaadeu laangi e mouli ai,
13 Tagi Maolunga, ahe mai! Dee hee maa taulooloa?
14 Hagadanuaa ina gimaadeu i doo abodonu i taiao,
15 Koe gi hagamalangilangi ina gimaadeu gi bei de lagolago laangi aau ne hagaduasala ai gimaadeu,
16 Hagaagona ange doo sauaa gi oo dangada hai hegau,
17 De abodonu o de Ia Aamua taadeu Maadua gi dagodo i omaadeu daha,