1 Ogu dangada, goodou nnoho mai hagalaangona agu agoago;
2 Au e basa naa i de mee hagasengasenga;
3 ni mee niidaadeu gu langona ma de iloo,
4 Gidaadeu e dee hagammuni donu mee nei mai i alaadeu gauligi,
5 Ia ne hagasauaa ana muna ange gi dangada o Jacob,
6 gi iloo ai e de atangada e humai,
7 gai gilaadeu gi haia de Maadua go delaadeu tali,
8 Gai gi dee bei ai gilaadeu dagodo olaadeu maadua —
9 De aamuli o Ephraim e hagauda alaadeu mee hholu,
10 Gilaadeu tee daudali i de hagatoo donu hagaheloongoi a de Maadua,
11 Gilaadeu gu ngalo ana hegau ne hai,
12 De Maadua ne hai denga hagailonga i madamada olaadeu dubuna
13 Ia ne hhanga lua de vai gai gilaadeu ga seesee i ono lodo,
14 Ia ne dagi gilaadeu i tuludulu giliiga i de laangi,
15 Ia ne hangahanga denga hadu i de vao,
16 Ia ne hai denga saalingaa vai gi ssali age i lo te baba,
17 Aagai gilaadeu ne duudagi de haisala ange gi de ia,
18 Gilaadeu se hagabau donu de hagatale de Maadua i olaadeu lodo
19 Gilaadeu ne hagadaumee ange gi de Maadua, ga ssili,
20 Ia ne hagaili de hadu gai denga vai gu ssali mai ai,
21 De masavaa a Tagi Maolunga ne langona ai alaadeu muna, gai ia gu lili mmao;
22 i hiidinga gilaadeu tee hagadonusia de Maadua,
23 Aagai ia ne basa ange gi lo te langi i lunga,
24 gai ne hagamalili iho denga manna e gaimee ai gilaadeu,
25 Dangada o henua i lalo gu gaimee i gai a de gau de langi,
26 Ia ne hai de madangi mai i dua gi ssau mai i de langi,
27 Ia ne hai gi malili iho alaadeu giidagi bei denga gelegele,
28 Ia ne hai gi toga iho denga manu
29 Gilaadeu ne gaimee ga kona de boobosu,
30 Gai mua delaadeu gaimee ga boobosu,
31 gai de lili o de Maadua ne hai baasi ange gi gilaadeu;
32 Gai mee nei alodahi tee maua i de hai gilaadeu gi dee haisala;
33 Gai ia ne hai gi llilo olaadeu laangi bei de madangi o de manava,
34 Ga daia huu e ia hanu gilaadeu ga maakau,
35 Gai gilaadeu gu manadua bolo go de Maadua delaadeu baba makaga,
36 Aagai gilaadeu tee tala ange gi de ia de muna abodonu;
37 Gilaadeu tee hai hegau ange gi de ia i de lodo se muna abodonu;
38 Aagai ia ne lodo aloha, ga degi ange gi olaadeu baubau,
39 Gai ia ne manadua bolo gilaadeu ni dangada donu huu,
40 Gai tee modu donu delaadeu hai baasi ange gi de ia i de vao
41 Gilaadeu ne hagatale ia i hanonga lagolago,
42 Gilaadeu tee manadua dagodo o ono mahi,
43 i de masavaa aana ne hai ai ana hagailonga i Egypt,
44 Ia ne sui denga saalingaa vai gi ni dodo,
45 Ia ne gaamai denga lango lagolago gi hagaduasala ina gilaadeu,
46 Ia ne gaavange hua o alaadeu veelenga gi de itebuubuu,
47 Ia ne hai gi oha alaadeu \+w grapevine\+w* i dibaa haisi,
48 Ia ne daa alaadeu kaau i denga duudangaa haisi,
49 Ia ne hagaduasala gilaadeu i dono lili,
50 Ia ne hagadabena e hai hegau i dono lili;
51 Ia ne daa ga maakau denga ganimua alodahi o Egypt,
52 Gai ia ga hagassao mai ono dangada bei dagodo o denga ssiibi,
53 Ia ne dagi ma de hagaloosi gilaadeu,
54 Ia ne kave gilaadeu gi dono henua dabu,
55 Ia ne hai gi hulo gee denga huaahenua i olaadeu daha;
56 Aagai gilaadeu ne hagatale de Maadua
57 Gilaadeu ne aahe dua ma tee hai hegau i de mee abodonu bei olaadeu dubuna madagidagi;
58 Gilaadeu ne hai ia ga lili i hiidinga olaadeu mommee daumaha;
59 Gai ga langona huu e de Maadua,
60 Ia gu tili nei donu dono mommee noho i Shiloh,
61 Ia ne dugu ange de ngavesi o ono mahi gi gaavee gee,
62 Ia ne dugu ange ono dangada gi de gadilaasa,
63 De ahi ne daa ga maakau alaadeu dama daane,
64 Olaadeu dangada haimeedabu ne maakau i de gadilaasa,
65 Gai de Ia Aamua gu alahage ange hogi,
66 Ia e hagamaakulu ono hagadaumee,
67 Ia ne tili de hale o Joseph,
68 aagai ia ne hili de aamuli o Judah,
69 Ia ne hagaduu dono hale dabu gi bei de mommee maolunga,
70 Ia ne hili dono dangada hai hegau go David,
71 ma mai i de hagaloosi denga ssiibi ma alaadeu dama,
72 Gai David ne tilo ange gilaadeu i de lodo e heohi,