1 Au ne dangi ange gi de Maadua,
2 De masavaa oogu ne hai ngadaa ai, gai au ne ssala de Ia Aamua laa;
3 De masavaa aagu ne manadua ai goe, de Maadua, gai au ne gonogono;
4 Koe ne daohi gi dee pono luoogu mada,
5 Au ne maanadu dagodo o denga laangi gu hulo,
6 Au ne manadua agu daahili i de boo;
7 “E aha, de Ia Aamua e tili naa gidaadeu ga hano ai?
8 E aha, gu deai nei donu sono abodonu ga hano ai?
9 E aha, de Maadua gu ngalo laa dono lodo aloha?
10 Gai au ga hagadaba, “Au e manavasaa
11 Au e hagamaanadu hegau a Tagi Maolunga;
12 Au e hagamaumau naa donu au hegau alodahi;
13 De Maadua, au hegau e dabu.
14 Go koe de Maadua e haia hegau hagalele mouli,
15 Koe ne hagaola oo dangada i doo lima sauaa,
16 De Maadua, denga vai ne gidee goe,
17 Denga hagausinga ne llingi iho vai;
18 De babaa o au hatuli e ngolo bei de madangi mmahi,
19 Doo haiava e hano laa lo te lausedi,
20 Koe e dagi oo dangada bei dahi hagabuulingaa ssiibi