1 Tama daane heiangi e hagallongo agoago a dono damana,
2 Muna a tangada e hai ia ga gai mee danuaa,
3 Tangada e kana ange laa gi ana muna e tala,
4 Tangada vaiduu e lodo gi mee,
5 Tangada heohi e kino i de tala muna hadu,
6 De mee heohi e hagaloosi tangada e dee haisala,
7 Dahi dangada e hai bolo ia se dangada lava,
8 De lava o dahi dangada e maua i de hagaola dono mouli,
9 De maalama o tangada heohi e maalama mmao,
10 De hagamaolunga e hidi mai ai de hagadaumee,
11 De lava e maua laa i de hadu muna e moolau donu de odi,
12 Noo de tali hagalodolodo a tangada tee sula, gai ono lodo e daemaha,
13 Tangada e hagangadi mee ina laa muna bale e hagaduasala donu;
14 Agoago a tangada heiangi e bei de vai o de mouli,
15 De heiangi e hai ga hagadubu ina tangada,
16 De gau maanetonu alodahi e hai hegau i de iloo mee,
17 Tangada hagailoo baubau e duu ange naa gi de hai ngadaa,
18 Tangada e dee anga ange laa gi muna bale e hagaau aloha ma de hagadogaa ina,
19 E hagamalangilangi de hai ga bei lodo o tangada,
20 Tangada e daudali ange i de gau heiangi e hagadaga ange naa de heiangi,
21 De hai ngadaa e daudali ange i de gau haisala,
22 Tangada danuaa e bolo ange dahi mee gi ono mogobuna,
23 De gelegele o tangada hagaau aloha tigi doo laa
24 Tangada e daohia de laagau haaele, e kino i dana dama,
25 Tangada heohi e gaimee ga bosu danuaa,