1 E aha, tangada e dee kona laa ana hegau i henua i lalo?
2 Au e bei tangada hai hegau e lodo mmao laa gi dae mai de ahiahi,
3 gai e bei ai hogi, malama gu gaamai gi de au e deai haigamaiana,
4 De masavaa oogu e dagodo iho ai e seni, gai au e hagadaba,
5 Dogu angaanga alodahi gu iai ilo ma mangeo,
6 Ogu laangi gu moolau ange i de mee siga a tangada langa mee,
7 De Maadua, manadua bolo dogu mouli e bei de madangi o de manava,
8 Koe e gidee au iainei, gai e dee daulooloa naa donu.
9 Tangada e magau laa ga danu e dee ahe mai donu,
10 Ia e dee ahe mai ange naa donu gi dono hale,
11 Deelaa ai, au e dee hagapuni donu dogu ngudu,
12 E aha, go au go tai, aabe go de manu hagamaatagu i lo te moana gelo,
13 Noo au e hagadaba, ‘Dogu moenga e hagaaneane mai au,
14 gai koe e hagamadagu donu hogi au i denga midi,
15 gai au e hilihili gi guumia dogu ua ma de magau,
16 Au e kino i dogu mouli; au e dee mouli ga hano ai.
17 Se aha donu tangada, gai koe ga hagamogomogo ai ia,
18 gai koe e tilo dagodo o tangada i daiao alodahi,
19 E aha, koe e dee maua naa donu i de galo gee i de au,
20 De ia e dagidiiloo ina dangada,
21 Gu aha gu dee degi mai ai naa goe gi de au, ga tala ogu haisala?