1 Gai a Job ne duudagi de tala ana muna, ga hai ange,
2 “Au e hagatoo donu i de mouli o de Maadua,
3 taulooloa o dogu mouli,
4 gai au e dee tala donu dahi muna baubau,
5 Au e dee haihai naa donu ga hagadaba bolo goodou e heohi;
6 Au e daohi naa donu huu dogu hai hegau i de heohi;
7 Ogu hagadaumee gi bei dagodo o tangada baubau,
8 Gai e dahi naa donu tali a tangada baubau
9 De Maadua e hagallongo dana dangi,
10 Ia e malangilangi naa i de Ia Mmahi Mmao laa?
11 Au e agoago adu goodou i dagodo de mahi o de Maadua;
12 Tilo, goodou gu gidee donu mee nei;
13 Deenei tuuhanga a de Maadua e gaavange gi tangada baubau,
14 ga soa naa donu ana dama, gai gilaadeu e maakau naa i de gadilaasa,
15 Ana dama e doe e maakau naa i de mee hagamaakau,
16 Gai ga lagolago naa donu ana selevaa bei denga gelegele,
17 gai ana mee gu hagabudu laa go tangada heohi e gahu ai,
18 Gai de hale aana e hagaduu e maoha ngaohie naa bei de hale o de neveneve,
19 Ia e hano ga seni i dono lava, gai ia e dee ahe ange donu e hagabudu;
20 Denga mee hagamaatagu e tuu ange naa gi de ia bei de dae mai o tolona,
21 De madangi mai i dua e ili naa ia ga kave gee, gai ia gu dee maleva;
22 De madangi e dau naa i de ia, gai e dee abodonu ange donu,
23 De madangi e baabaa naa luoono lima ga doo mee i de ia,