1 Au gu kino donu i dogu mouli,
2 Au e hai ange gi de Maadua: Aude hagaduasala ina au,
3 E aha, se mee danuaa dau hai gi duasala au,
4 E hanu oo ganomada bei tangada?
5 E aha, oo laangi e bei laangi o tangada e mouli ai,
6 gai koe ga ssala gi gidee ogu baubau,
7 Koe e iloo bolo au tigi ai donu ogu sala,
8 Luoo lima ne bae ma de hai au.
9 Manadua bolo koe ne hai au i gelegele;
10 E aha, koe tee llingi au bei denga vai uu,
11 Koe ne hakahu au i gili ma kano,
12 Koe ne gaamai gi de au de mouli ma de abodonu mai gi de au,
13 Aagai koe ne hagammuni de mee nei i oo lodo,
14 noo au gu haisala, gai koe e dagitilo au,
15 Noo au gu baubau, gai au gu vakaa!
16 Noo au e hagamaolunga, gai koe e dagitilo au bei dagodo o de laiono,
17 Koe e aheahe ange ga hagabaubau au,
18 Gu aha goe gu hai ai gi doo mai au i de mommee o denga dama?
19 Mee naa au tee haanau donu,
20 E aha, e dee gu dai odi nei laangi sogoisi oogu e mouli ai?
21 i mua dogu hano gi de mommee e dee ai se dangada e ahe mai ai,
22 de henua o de gohu boo dangodango,