1 E vakaa naa goe, de ia e oohaa denga henua,
2 Tagi Maolunga, koe gi abodonu mai gi gimaadeu;
3 Doo leo mmahi e hai ga saavini dangada ga hulo;
4 Denga huaahenua, oodou goloa ne hai gi de mahi,
5 Tagi Maolunga gu hagaamua, go hiidinga ia e noho i de mommee maolunga;
6 Gai ia e hai naa go doo dagelo makaga i de laangi laa,
7 Tilo, alaadeu daane mmahi e oo naa ga tangi i honga denga haiava,
8 Denga haiava nnui gu ngadi daakodo,
9 De henua gu hagaaloha ono dagodo ma de ngadi dagodo,
10 E hagadaba Tagi Maolunga,
11 Goodou ne hai tama i denga ngadi gili grain,
12 De huaadangada e dudu naa ga bei lehu,
13 Goodou dangada i mommee mmao,
14 De gau haisala i Zion gu maatagu mmao;
15 Tangada e seesee i de heohi,
16 deenei tangada e nnoho i mommee maolunga,
17 Gai koe e gidee naa de mahamaha o de hodooligi,
18 Koe ne manadua de mee hagamaatagu gu hai i mua, ⌊ga hagadaba,⌋
19 Gai koe e dee gidee ange naa donu gilaadeu e vaivai haia dangada,
20 Galo ange diiloo Zion, de aduhale o adaadeu daonga gu hagailonga;
21 Aagai go kilaa iai Tagi Maolunga taadeu Ia Maolunga.
22 Gai Tagi Maolunga go demaadeu ia hagamodu muna,
23 Denga uga o saiolo gu daudau age,
24 Gai e deai naa donu se dangada e noho i kilaa e hagadaba, “Au gu magi;”