1 Tilo, dahi hodooligi e dagi naa i de heohi,
2 Gai dahi ma dahi e bei naa de mommee
3 Gai ganomada o dangada e gidee laa gu dee pono donu,
4 Gai maanadu a tangada e moolau ono lodo e donu ange naa,
5 Gai tangada lodo senga e dee hagabinga bolo se dangada maolunga,
6 Go hiidinga tangada lodo senga e basa senga,
7 Haingaa mee a tangada vaivai dagodo e baubau,
8 Aagai tangada abodonu e hai denga hagatau abodonu;
9 Goodou denga haahine e duadonu laa,
10 E dahi ange naa donu huu ngadau ma hanu mee,
11 Goodou denga haahine duadonu e bolebole naa;
12 Hagailiilihia oodou hadahada i hiidinga o denga veelenga danuaa,
13 ma hiidinga o de henua o ogu dangada
14 Denga hale danuaa e ngadi daakodo naa,
15 ga dae ai gi de hano iho o de Hagasaalunga o de Maadua i de mommee maolunga,
16 Gai de hagamodu muna heohi e dagodo i de vao,
17 De hagaodi o hegau o de heohi go de baba,
18 Ogu dangada e nnoho paba naa i olaadeu mommee,
19 Gai ga too iho naa donu denga dibadibaa haisi ga oha lodo henua,
20 gai goodou e manuuia naa donu,