1 Nimitzhuicatis, TOTECO, para nochipa pampa tlahuel hueyi moyolo ica na.
2 Na niquijto: “Ta titetlasojtlas para nochipa.
3 Ta tiquijtojtoc para tijchijqui se camanal sencahuali ica motequipanojca David catli tijtlapejpenijtoc.
4 Tiquilhui para se iixhui mosehuis ipan isiya campa yaya tlanahuatía,
5 TOTECO, catli itztoque ipan ilhuicac mitzpaquilismacaj por nochi nopa tiochicahual nextili catli tijchihua.
6 Pampa ipan nochi ilhuicac amo aqui seyoc catli san se quen ta, Toteco Dios.
7 Toteco Dios, ta nelía tihueyi huan titemajmati.
8 TOTECO, ta tiDios Catli Tijpiya Nochi Chicahualistli,
9 San ta tihueli tijnahuatía nopa hueyi atl quema mosisinía huan mocoxonía chicahuac.
10 Ta tijtzontlamilti nopa catli temajmatiyaya ipan hueyi atl.
11 Ta moaxca ilhuicactli, tlaltipactli huan nochi catli onca,
12 Tijchijchijqui nopa norte huan sur.
13 Moajcol tlahuel quipiya chicahualistli.
14 Motlanahuatilis motlatzquilijtoc ipan ome tlamantli:
15 Nelía paquij nopa masehualme catli quicaquij nopa tlapitzali catli quinnotza ma mitzhueyichihuaca, TOTECO.
16 Semilhuitl mopaquilismacase ipan ta pampa tlahuel tihueyi huan tixitlahuac.
17 Pampa san ta tijpiya mohueyitilis huan tiquinfuerzajmaca.
18 Quena, Toteco Dios, ta catli titlatzejtzeloltic techmocuitlahuía tojuanti ipan tlali Israel.
19 Ipan se tlanextili tijcamanalhui motlatzejtzeloltijca tlajtol pannextijca huan tiquilhui:
20 Quena, nijpantijtoc notequipanojca David huan nicaltijtoc ica nopa aceite catli ica niteiyocatlalía para ma nechtequipanoca.
21 Nijchihuas ma eli temachtli huan nijmacas chicahualistli.
22 Amo quiechcapantlalise icualancaitacahua,
23 Iixpa niquintzontlamiltis icualancaitacahua huan nochi catli quicualancaitaj.
24 Na catli nitemachtli nijmocuitlahuis huan nijtiochihuas tlatoctzitzi,
25 Na nijchihuas para itlanahuatilis pehuas campa hueyatl Eufrates,
26 Huan yaya nechtzajtzilis huan nechilhuis:
27 Na niquitas nopa tlanahuatijquetl quen noachtihui cone.
28 Niquicnelis para nochipa huan para nochipa nijchihuilis catli cuali.
29 Na nijtequimacas se iixhui para ma tlanahuatis campa yaya tlanahuatiyaya.
30 Pero sintla iconehua quitlahuelcahuase noley huan amo monejnemiltise quen quiijtohua notlamachtil,
31 o sintla quiixpanose catli niquinnahuatijtoc ma quichihuaca ipan ininnemilis huan amo quintlepanitase notlanahuatilhua,
32 huajca niquintlatzacuiltis pampa ya nopa quinextis para amo nechneltocatoque huan tlajtlacolchihuaj.
33 Pero amo nijcahuas niquinicnelis,
34 Amo niquelcahuas catli ica nimocajtoc David huan amo nijpatlas nocamanal.
35 Pampa na nitlatestigojquetzqui para nijchihuilis David nochi catli nijtlajtolcahuilijtoc.
36 Iixhui mosehuis huan tlanahuatis para nochipa campa ya mosehui.
37 Quena, itlanahuatilis tlahuel huejcahuas quen huejcahuas metztli,
38 ¿Huajca para tlen techtlahuelcahua huan techhuejcamajcahua?
39 ¿Atlac tijsosolojtoc nopa camanali catli tijchijqui ihuaya?
40 Tijcahuili tocualancaitacahua ma quihuelonica nopa tepamitl catli yahualtic quitzacuayaya toaltepe.
41 Nochi catli panoj nopona quiichtequij catli inijuanti quinequij.
42 Tiquinfuerzajmacatoc tocualancaitacahua,
43 Tijquixtili itlatequiyo tomachete catli ica titlahuilanayayaj,
44 Techquixtili noyejyejca huan tijtlahuisojtoc hasta tlalchi notlanahuatilis.
45 Techchijtoc ma nitlatochuehuejtiya huan techpinahualtijtoc iniixpa nochi masehualme.
46 TOTECO, ¿hasta quema tlamis ticualantos?
47 ¡Toteco, xiquelnamiqui para tonemilis amo huejcahuas ipan ni tlaltipactli!
48 Niyon se masehuali amo huelis itztos para nochipa. ¡Nochi miquise!
49 NoTeco Dios, ¿canque eltoc motlaicnelilis tlen huejcaya?
50 TOTECO, xijtlachili quenicatza nochi masehualme techcualancaitaj tojuanti timomasehualhua.
51 Mocualancaitacahua quipinahualtíaj yaya catli tijtlapejpenijtoc para elis tlanahuatijquetl.
52 Ma tijpaquilismacaca TOTECO para nochipa.