1 TOTECO, ta catli tinoDios huan tinotemaquixtijca.
2 Techtlacaquili quema nimotlatlajtía huan quema nimitztzajtzilía,
3 pampa nijmati nisiyajtoc ica nochi catli amo cuali hasta nijmati ya nechcatitoc para nimiquis.
4 Miyac quiijtohuaj para ya tlantinemi nonemilis huan para ayacmo nijpiya chicahualistli.
5 Masehualme nechtlahuelcajtoque para ma nimiqui.
6 Ta techmajcajtoc ipan nopa ostotl catli más huejcatla campa onca tzintlayohuilotl catli más yayahuic.
7 Mocualancayo nechtlaijiyohuiltía chicahuac huan tlatoctzitzi nechtlatzintlanhuetziltía más.
8 Tijchijtoc para noteiximatcahua ma nechtlahuelcahuaca huan ma nechijiyaca.
9 Ayacmo hueli nitlachiya pampa tlahuel nimochoquilijtoc.
10 Pero nijmachilía para, quena, nimiquis nimantzi,
11 Se mijcatzi catli ya quitlalpachojtoque amo huelis tepohuilis para tijpiya hueyi tlaicnelili.
12 Nepa campa tzintlayohua amo huelise tepohuilise nopa huejhueyi tiochicahual nextili catli tijchihua.
13 Pero na nimitztzajtzilijtoc ta TOTECO,
14 TOTECO, ¿para tlen tijhuejcamajcajtoc nonemilis?
15 Na niitztoc ipan tlaijiyohuili huan tequipacholi hasta quema noja niitztoya nitelpocatl.
16 Miyac huelta hualajtoc nopan na mohueyi cualancayo,
17 Quena, nochi nopa tlamantli nechyahualojtoc quen atl.
18 Nochi catli niquinicnelía huan catli itztoyaj nohuampoyohua tiquinchijtoc ma nechtlahuelcahuaca,