1 Nomasehualhua, xijtlacaquilica notlamachtil huan nochi catli niquijtohua,
2 pampa nimechnextilis tlamantli catli amo aqui más quimati catli panoc huejcaya.
3 Tlamantli catli tijcactoque huan tijmajtoque pampa totatahua techpohuilijque.
4 Quena, nimechmatiltis para anhuelise anquinpohuilise amoconehua nochi nopa yejyectzitzi huan huejhueyi tlamantli,
5 Toteco Dios quimacac miyac tlanahuatilme Jacob ipan tlali Israel para ma monejnemiltica xitlahuac,
6 huan iniixhuihua catli tlacatise teipa.
7 Yeca hasta ama miyac masehualme quintlepanitaj itlanahuatilhua Toteco Dios,
8 Pampa amo quinamiqui para elise quen ininhuejcapan tatahua catli moyoltetilijque huan amo tlatlepanitaque.
9 Nopa masehualme tlen tlali Efraín mocuepatoj huan cholojque ipan nopa tonali quema yohuiyayaj tlahuilanatij.
10 Amo quintlepanitaque itlanahuatilhua Toteco Dios,
11 Quielcajque nochi tlamantli catli yaya hueli quichihua.
12 Quena, Toteco Dios quichijqui miyac tlamantli iniixpa ininhuejcapan tatahua ipan tlali Egipto campa itoca Zoán.
13 Quitlajcoxelo nopa hueyi atl huan quichijqui ma panoca.
14 Ica tonaya quinyacanqui ica se mixtli para quinecahuilis,
15 Ipan huactoc tlali quitlapo nopa hueyi tetl huan quisqui miyac atl para atlique hasta aixhuique.
16 ¡Quena, ipan tetl quisqui miyac atl catli motlalo quen se hueyatl!
17 Pero inijuanti quisenhuiquilijque amo quitlepanitaque.
18 Pampa quiyejyecojque Toteco Dios huan quitlajtlanijque tlacualistli catli ininyolo quinequiyaya.
19 Hasta cualanque ica Toteco huan quiijtojque:
20 Xiquitaca, Toteco Dios quitlapo nopa hueyi tetl huan quisqui miyac atl quen eltosquía se hueyatl hasta atzonpoli tlali,
21 Huan quema TOTECO quicajqui ni tlamantli, tlahuel cualanqui.
22 pampa inijuanti amo quineltocaque Toteco Dios,
23 Pero masque quej nopa quichijque,
24 Huan quichijqui ma huetzi nopa tlacualistli catli itoca maná para ma quicuaca quen quema huetzi atl.
25 Masehualme quicuajque catli elqui inintlacualis itequihuajcahua Toteco.
26 Ica ihueyi chicahualis quihualicac nopa ajacatl catli huala campa hualquisa tonati huan catli huala ica tlani para ma tlaajaca campa ilhuicactli.
27 Quichijqui ma hualaca miyaqui totome quen imiyaca tlaltejpoctli.
28 Huan Toteco quichijqui para nopa totome ma huetzica tlatlajco campa quichijtoyaj ininyoyoncal.
29 Huan nopa masehualme tlacuajque hasta ixhuique.
30 Pero quema sanoc tlantoyaj tlacuaj,
31 Toteco Dios motlananqui ica ihueyi cualancayo,
32 Pero masque Toteco quinchihuili ya nopa,
33 Yeca Toteco quintlaijiyohuilti ipan nochi ininnemilis huan quintzontlamilti san ica se tlatoctzi.
34 Pero teipa, quema ya quintzontlamiltijtoya sequin,
35 Huan quielnamijque para yaya Toteco Dios catli quinmocuitlahuiyaya para amo quinajsis catli amo cuali.
36 Pero nopa israelitame amo quitoquiliyayaj ica nochi ininyolo.
37 Pampa ininyolo eltoya huejca tlen Toteco.
38 Pero Toteco quipixqui hueyi iyolo ica inijuanti.
39 Pampa Toteco quielnamijqui para inijuanti san elque masehualme catli ininnemilis ixpolihui san ica se tlatoctzi,
40 Nepa ipan huactoc tlali,
41 Tlatoctzitzi quiyejyecojque,
42 Quielcajque ihueyi chicahualis huan iteicnelijcayo.
43 Quielcajque quenicatza Toteco quititlanqui tlatzacuiltili ipan tlali Tanis huan ipan tlali Egipto.
44 Quielcajque quenicatza quicuepqui estli nopa atl huan ayacmo aqui huelqui quiijic.
45 Quielcajque quenicatza quintitlanqui tlahuel miyac sayolime hasta quitemitijque nopa tlali.
46 Toteco quintitlanqui ocuilime huan chapolime para ma quicuaca inintlatochui huan ininpixquilis.
47 Ica tesihuitl quintzontlamilti ininxocomecamil huan ininhigueramil.
48 Ininhuacaxhua mijque ipan potrero pampa Toteco Dios quinmajcahuili tesihuitl catli tlahuel huejhueyi.
49 Quena, Toteco tlahuel cualanqui ica inijuanti,
50 Cualanqui nelchicahuac huan amo quimanahui niyon se Egipto ejquetl.
51 Teipa Toteco quinmicti nopa achtihui ehuani ipan sesen familia tlen tlali Egipto.
52 Pero quinquixti imasehualhua quen elisquíaj pilborregojtzitzi,
53 Quinyacanqui ica miyac temachili para ma amo majmahuica.
54 Huan quinhuicac hasta campa inepa nopa tlali catli tlatzejtzeloltic.
55 Iniixpa quintojtocac nopa masehualme catli itztoyaj ipan nopa tlali.
56 Pero masque quinchihuili ya nopa,
57 Yeca mocuepque para amo calaquise ipan nopa tlali tlatencahuali huan quicamaijixnamijque san se quen inintatahua quichijque.
58 Quicualancamacaque Toteco pampa mochijchihuilijque teteyome huan tlaixpamitl para quinhueyichihuase ininteteyohua.
59 Pero quema Toteco Dios quiitac ya ni,
60 Huan quitlahuelcajqui itiopa catli eltoya ipan altepetl Silo,
61 Huan Toteco quincahuili inincualancaitacahua ma quihuicaca icaxa catli quinpixtoya itlanahuatilhua.
62 Nojquiya quintemactili imasehualhua ininmaco inincualancaitacahua para ma quinmictica ica machete,
63 Inintelpocahua quintlatijque,
64 Quintzontlamiltijque nopa totajtzitzi ica machete huan ininsihuajhua nojquiya mijque nimantzi,
65 Huajca Toteco motlananqui quen quema se acajya cochi huan mehua,
66 Huan Toteco quinichtacahui quinhuilanqui icualancaitacahua.
67 Pero Toteco quintlahuelcajqui nopa huejhueyi familias catli hualajqui tlen José huan Efraín.
68 San quintlapejpeni ihueyi familia Judá,
69 Huan nopona quichijchijqui itiopa catli yejyectzi huan temachtli,
70 Quitlapejpeni itequipanojca, David,
71 quema yohuiyaya inintepotzco nopa tenan borregojme catli quinpiyayayaj ininconehua,
72 Huan quena, David quinmocuitlahui imasehualhua Toteco ica nochi ichicahualis huan ica nochi iyolo.