1 Chicahuac nijtzajtzilía Toteco Dios para ma nechpalehui.
2 Quema nechajsic miyac tlaijiyohuilistli nimantzi nijtemo noTeco.
3 Nimonejnehuilía tlen Toteco Dios huan niyolpitzahuía huan nichoca.
4 Toteco, ta amo techcahuili ma nicochis.
5 Tlatoctzitzi nimonejnehuilía tlen nopa yejyectzi tonali huan xihuime catli panoque huejcajya.
6 Niquelnamiqui sesen tlayohua quema nihuicayaya ica paquilistli.
7 ¿Huelis Toteco nechtlahuelcajtoc para nochipa?
8 ¿Huelis ya tlanqui itlaicnelilis ica na?
9 ¿Huelis Toteco Dios ya quielcajqui para monequi nechchihuilis catli cuali na catli niitztoc ipan tequipacholi?
10 Huan ipan nohueyi tequipachol nimoilhui:
11 Más cuali niquelnamiquis nochi nopa huejhueyi tiochicahual nextili catli TOTECO nechchihuili huejcajya.”
12 Quena, mojmostla nimoilhuis tlen nopa huejhueyi tlamantli para nochipa.
13 ¡NoTeco Dios, nelía tlatzejtzeloltic nochi moojhui!
14 ¡Ta tiDios catli tijchihua huejhueyi tiochicahual nextili huan miyac tlamantli catli masehualme quisentlachilíaj!
15 Ica mohueyi chicahualis techmanahui,
16 Toteco Dios, nopa hueyi atl catli itoca Chichiltic momajmati quema mitzitac.
17 Nopa mixtli quichijqui ma tlaquiyahui chicahuac.
18 Caquistic tlatomonilotl ipan nopa hueyi ajcomalacatl.
19 Tijchijqui se ojtli quema tiquixcotonqui nopa hueyi atl,
20 Huan ipan ni ojtli tiquinyacanqui momasehualhua quen eltosquíaj pilborregojtzitzi ininmaco Moisés huan Aarón.