1 Cuali xijtlacaquilica ya ni,
2 Nocamanal elis para nochime.
3 Nicamanaltis ica tlalnamiquilistli.
4 Achtihui nimechilhuis se tlatzintoquili catli totlalnamijca huejcapan tatahua quiijtojque,
5 ¿Para tlen monequi nimomajmatis quema hualas tlaohuijcayotl,
6 Inijuanti motemachiyaj ipan inintomi,
7 Pero niyon se tlen inijuanti amo huelis momaquixtis tlen itlajtlacolhua,
8 Pampa tonemilis eltoc se tlamantli catli miyac ipati.
9 ¡Amo! Amo aqui huelis quicohuas inemilis para itztos para nochipa huan para amo quema miquis.
10 Nochi masehualme miquise.
11 Inijuanti moilhuíaj itztose para nochipa,
12 Pero se masehuali amo huejcahuas masque nelía tominpixtoc,
13 Nochi masehualme catli motemachijtoque san ipan ininseltzitzi,
14 Nopa masehualme miquise quen miquij borregojme.
15 Pero Toteco Dios nechmaquixtis tlen ichicahualis miquilistli huan nechhuicas ihuaya.
16 Amo ximotequipacho sintla se masehuali moricojchihua,
17 Pampa quema miquis amo tleno huelis quihuicas.
18 Masque se masehuali itztos ica paquilistli quema noja yoltoc,
19 ajsis se tonal quema miquis quen ihuejcapan tatahua,
20 Se masehuali catli moricojchijtoc,