1 Nimoilhuijtoya para nimomocuitlahuisquía miyac para amo nijchihuasquía catli amo cuali.
2 Huajca nimochijqui quen se ninono.
3 Hasta nijmatiyaya quen noyolo tlatlayaya.
4 “TOTECO, technextili quesqui tonali niitztos huan quema nimiquis.
5 Techmacatoc se nemilistli catli nelquentzi xihuitl.
6 Nochi masehualme panotehuaj quen se ecahuilotl.
7 Huajca, noTeco, amo tleno onca catli ipan huelis nimotemachis.
8 Techmaquixti tlen notlajtlacolhua.
9 Nimocamatzacuas moixpa huan ayacmo nimolinis ica catli nopanti, pampa ta techtlatzacuiltía.
10 Pero noTeco, ayacmo techtlatzacuilti.
11 Quema se masehuali tlajtlacolchihua, ta tijtlatzacuiltía.
12 NoTeco, xijtlacaquili quema nimotlatlajtis.
13 Ayacmo techtlatzacuilti.