1 TOTECO, amo techtlaijiyohuilti quema ticualani.
2 Miyac nechcocohua catli amo cuali nijchijtoc.
3 Huan pampa ticualani por notlajtlacol,
4 Nochi notlajtlacolhua nopan huetztoc.
5 Palani notlacayo pampa nijchijqui se huihuiyotl.
6 Nicuitlapanhuitoltic huan amo hueli nijtlanana notzonteco.
7 Nochi notlacayo tliquisa.
8 Nimomati quen nitlatejtejtzontli.
9 NoTeco, ta tijmati quen nijnequi sempa niitztos cuali moixpa.
10 Noyolo nelhuihuipica,
11 Nonelhuampoyohua huan noteiximatcahua san nechhuejcaitaj, pampa quiijiyaj nococohua.
12 Inijuanti catli quinequij nechmictise quisencahuaj tlaquetztli para nechmasiltise.
13 Pero na nimochihua quen amo nijcaqui catli quiijtohuaj.
14 Quena, na nimochihua quen amo nijcaqui inincamanal,
15 Pampa san ipan ta nimochiya, TOTECO, tinoDios.
16 San nimitztlajtlanía para amo xiquincahuili ma noca huetzcaca.
17 Nijmati nimiquis pampa tlacuajcualoli amo nechcahua niyon se tlatoctzi.
18 TOTECO, nijnequi nimitzpannextilis nochi notlajtlacolhua,
19 Nocualancaitacahua momiyaquilijtoque huan moyoltetilijtoque.
20 Masque catli cuali niquinchihuilijtoc, nechcuepilijtoque ica catli fiero.
21 NoTeco Dios, amo techcajtehua noseli.
22 ¡Toteco! Xihuala nimantzi techpalehuiqui, ta tinotemaquixtijca.