1 TOTECO, techtlajtolsencahua.
2 Techyoltlachili, TOTECO,
3 Pampa na nijpatiita motlaicnelilis, huan nochipa nijtoquilía mocamanal catli melahuac.
4 Amo quema ninejnentoc ininhuaya masehualme catli tlacajcayahuaj,
5 Nijcualancaita inintlasentililis amo cuajcualme.
6 Tlapajpactli nomax tlen nochi tlajtlacoli,
7 Nepa nihuicas huicatl para nimitzhueyitlalis huan niteyolmelahuas nochi catli yejyectzi catli ta tijchijtoc.
8 Tlahuel niquicnelía mochaj campa tiitztoc, TOTECO,
9 Amo techchihuili quen tiquinchihuilía tlajtlacolchihuani huan temictiani.
10 Inijuanti quisencahuaj quenicatza huelis tetlacuijcuilise.
11 Pero na ninemi xitlahuac.
12 TOTECO, nimitzhueyichihua tlamiyacapa.