1 Nochi nonemilis huan para nochipa nimitzhueyimatis tinoTeco huan tinotlanahuatijca.
2 Mojmostla nimitzhueyichihuas.
3 Nelía tihueyi, TOTECO, huan quinamiqui ma timitzhueyimatica nochi timasehualme.
4 Nochi coneme catli moscaltijtiyase quielnamiquise catli tijchihua,
5 Na san nimonejnehuilis tlen moyejyejca huan mohueyitilis,
6 Masehualme camanaltise tlen nopa huejhueyi tlamantli catli tijchijtoc.
7 Nochi masehualme ipan tlaltipactli camanaltise para nelía ticuali huan hueyi moyolo.
8 TOTECO, hueyi moyolo huan tlahuel titetlasojtla.
9 TOTECO ta cuali moyolo ica nochi masehualme huan motlaicnelijcayo monextía ipan sesen tlamantli catli tijsencajtoc.
10 TOTECO, nochi tojuanti catli ta techchijchijtoc timitztlascamatij.
11 Tojuanti sentic timocamanalhuise tlen ihueyitilis motlanahuatilis campa ta titlanahuatía,
12 Titepohuilise tlen nopa huejhueyi tiochicahual nextili catli tijchijtoc,
13 Pampa motlanahuatilis amo quema tlamis.
14 Ta TOTECO tiquintlanana nochi catli huetzij,
15 Nochi masehualme ipan tlaltipactli mitztemohuaj,
16 Ta ica momax tiquintiochihua nochi catli yoltoque,
17 TOTECO quichihua san catli xitlahuac,
18 TOTECO itztoc ininnechca nochi catli quinotzaj.
19 Yaya quinmaca catli quinequij nochi masehualme catli quiimacasij huan quitlepanitaj.
20 TOTECO quinmocuitlahuía nochi catli quiicnelíaj,
21 Nijpaquilismacas TOTECO ica nocamac.