1 Ma nochi quipaquilismacaca TOTECO catli nechtlatíaj para amo nechajsise nocualancaitacahua.
2 Yaya nechtlasojtla huan yaya nechpixtoc campa temachtli.
3 TOTECO, ¿tlaque topati timasehualme para toca timocuatotonía?
4 Pampa tonemilis san panotehua quen se ajacatl huan quen se ecahuilotl.
5 TOTECO, xijcuelpacho nopa ilhuicactli huan xitemo techpaxaloqui.
6 Xijtitlani tlapetlanilotl quen elisquía cuatlamintli,
7 Hasta tlen nepa ilhuicac xijxitlahua momax huan techmaquixti.
8 Inijuanti san quinpactía istlacatise.
9 NoTeco Dios, na nihuicas huicatl catli yancuic,
10 Pampa ta catli tiquinchihua ma tlatlanica tlanahuatiani.
11 Nojquiya techmaquixti huan techmanahui ininmaco nocualancaitacahua,
12 Xijchihua para totelpocahua ma elica tejtetique huan huejcapantique quen cuame catli yejyectzi moscaltíaj.
13 Xijchihua para tocoxtalhua ma temica ica miyac tlamantli pixquistli.
14 Xijchihua totorojhua ma quipiyaca miyac chicahualistli para tequitise.
15 Quena, nelía paquij nopa masehualme ipan se altepetl catli quej ni eltoc,