1 Nelía paquij nochi catli monejnemiltíaj xitlahuac,
2 Paquij nopa masehualme catli quitemohuaj TOTECO ica nochi ininyolo huan quichijtinemij catli yaya quiijtohua.
3 Pampa inijuanti amo quichihuaj catli amo cuali.
4 Ta techmacatoc motlanahuatilhua para ma tijchihuaca catli quiijtohuaj.
5 ¡Tlahuel nijnequisquía nijchijtinemis senquistoc catli techyolmelajtoc ma tijchihuaca!
6 Quej nopa amo nimopinahuasquía sintla niquinchijtinemis nochi motlanahuatilhua.
7 Na nimitztlascamatis ica nochi noyolo quema ya nijmachilis nochi motlamachtilhua catli xitlahuac.
8 Na nijchihuas nochi catli techyolmelajtoc ma tijchihuaca ipan tonemilis.
9 ¿Tlaque monequi quichihuas se telpocatl para itztos tlapajpactic moixpa, TOTECO?
10 Na ica nochi noyolo nimitztemojtoc, Toteco.
11 Ipan noyolo nicajoctoc nochi catli tiquijtojtoc,
12 TOTECO, ta catli nochi mitzhueyimatij,
13 Na nitepohuilijtoc nochi motlamachtilhua catli ta techmacatoc.
14 Más nimopaquilismacatoc pampa ninemi ipan moojhui huan nijchihua catli ta tiquijtojtoc,
15 Nimonejnehuilis tlen motlanahuatilhua huan ninemis ipan nopa ojtli campa quiijtohuaj ma ninejnemi.
16 Nimopaquilismacas ica catli techyolmelajtoc,
17 Na nimotequipanojca, techchihuili catli cuali.
18 Techixtlapo para niquitas nopa huejhueyi tlamachtilistli catli quipiya moley.
19 Na san nipaxalohua ipan ni tlaltipactli.
20 Ipan noyolo tlahuel nijnequi nijchihuas nochi catli xitlahuac quen quiijtohua motlamachtil.
21 Ta tiquinajhua nopa tlaixpanoca masehualme catli mohueyimatij.
22 Amo xiquincahuili ma nechpinahualtica pampa na nijtlepanita nochi catli ta tiquijtohua.
23 Hasta nopa huejhueyi tlacame catli quipiyaj tequiticayotl mosehuijque para nechejelnamiquise,
24 Pampa motlajtol nechtlahuilía huan nechconsejomaca.
25 Nelía nimotequipachohua hasta nihuetztoc ipan tlaltejpoctli.
26 Na nimitzpohuili nochi catli nijsencajtoc nijchihuas huan ta techtlacaquili.
27 Techchihua ma nijmachili nopa ojtli catli ipan ninemis para niquintoquilis nochi motlanahuatilhua.
28 Nichoca pampa tlahuel nitlaijiyohuía.
29 Techpalehui mojmostla para amo niistlacatis.
30 Na nijtlapejpenijtoc nopa ojtli catli melahuac,
31 Na nimotlatzquilijtoc ipan motlajtol huan nijchihuas catli quiijtohua.
32 Sintla techmacas noyolo catli cuali moixpa,
33 TOTECO, technextili quenicatza nijchihuas nochi catli techyolmelajtoc.
34 Techmaca tlalnamiquilistli huan nijchijtinemis nochi catli quiijtohua moley.
35 Techyacana ipan nopa ojtli catli technextilíaj motlanahuatilhua,
36 Xijchihua para más ma nijnequi motlajtol huan amo tomi.
37 Techhuejcatlali tlen nochi tlamantli catli amo cuali para amo niquixtocas.
38 Techmatilti na, nimotequipanojca, para temachtli techmacas catli techtlajtolcahuilijtoc,
39 Amo techcahuili ma niquinimacasi catli nechpinahualtíaj pampa nimitztlepanita,
40 TOTECO, na tlahuel nijnequi nijchihuas catli quiijtohuaj motlanahuatilhua.
41 TOTECO, techtlasojtla huan techmaquixti tlen nocualancaitacahua,
42 Quej nopa huelis niquinnanquilis inijuanti catli nechpinahualtíaj,
43 Amo techquixtili mocamanal catli melahuac huan amo techcahuili ma niquelcahua,
44 Na nijtlepanitas moley mojmostla.
45 Ninemis nimajcajtoc pampa niquintemohua motlanahuatilhua para nijchihuas catli quiijtohuaj.
46 Na niquinpohuilis motlajtol tlanahuatiani,
47 Na nimopaquilismacas ipan motlanahuatilhua pampa tlahuel niquinicnelía.
48 Nimomatlananas para nijnextis notlatlepanitacayo por motlanahuatilhua,
49 Amo quema xiquelcahua catli techtlajtolcahuilijtoc techchihuilis na, nimotequipanojca,
50 Catli techtencahuilijtoc techchihuilis nechyoltlalía quema nimopantía ipan tlaijiyohuilistli.
51 Nopa masehualme catli mohueyimatij nechpinajtíaj pampa nimitztlepanita, Toteco,
52 TOTECO, na niquelnamiqui motlamachtil catli huejcajya techmacac.
53 Nelía tlahuel nicualani ica nopa tlaixpanoca masehualme catli quitlahuelcahuaj moley.
54 Nochi catli techyolmelajtoc nechhualiquilijtoc paquilistli,
55 Ica tlayohua nimitzelnamiqui, TOTECO,
56 Nijseli tlahuel miyac tlatiochihualistli pampa nijchijqui catli quiijtohuaj motlanahuatilhua.
57 ¡TOTECO, san ta tinoaxca!
58 Ica nochi noyolo nijnequi motlatiochihualis.
59 Nimotlachili quenicatza nimonejnemilti
60 Quena, nimoisihuiltía para nijchihuas catli quiijtohuaj motlanahuatilhua.
61 Miyac tlaixpanoca masehualme nechyahualojtoque para nojquiya ma nitlajtlacolchihua ininhuaya,
62 Tlajco yohual nimehua para nimitztlascamatis por motlamachtil catli senquistoc xitlahuac.
63 Na niquinita quen nohuampoyohua nochi catli mitzimacasij huan mitztlepanitaj,
64 ¡TOTECO, nochi tlaltipactli temitoc ica motlaicnelijcayo!
65 ¡TOTECO, tlahuel techchihuilijtoc catli cuali na, nimotequipanojca!
66 NoTeco, techchihua ma nijmachili catli cuali huan techmaca tlalnamiquilistli,
67 Achtihuiya quema ayamo techechcapantlalijtoya para techtlatzacuiltis,
68 Ta nelía ticuali huan tijchihua san catli cuali.
69 Nopa masehualme catli mohueyimatij nechistlacahuijtoque,
70 Inijuanti huihuitique huan tzactoc inintlalnamiquilis,
71 Nelía cuali para techechcapantlali,
72 Para na más ipati moleyes huan amo millones tlen oro huan plata.
73 TOTECO, ta ica momax tijsencajqui notlacayo.
74 Nochi catli mitztlepanitaj huan motemachíaj ipan ta,
75 TOTECO, na nijmati para motlamachtil senquistoc xitlahuac.
76 Huajca ama techyoltlali ica moteicnelijcayo,
77 Techyahualo ica motlaicnelijcayo para ma niyolto,
78 Ma huetzica ipan pinahualistli nopa masehualme catli mohueyimatij,
79 Ma sempa mosentilica nohuaya nopa masehualme catli mitzimacasij huan mitztlepanitaj,
80 Xijchihua para noyolo ma monejnemilti xitlahuac ipan nochi catli techyolmelajtoc.
81 Na nitlapolosnequi pampa nijchiya para techmaquixtis tlen nocualancaitacahua,
82 Noixteyolhua siyahuij pampa quinequij quiitase ma pano nochi catli techtlajtolcahuilijtoc para tijchihuas.
83 Ya nihuehuentzi huan nitzocoyolijtoc quen se cuetlax bolsa catli quitlalijtoque campa poctli,
84 ¿Quesqui tonali monequi nijchiyas para tiquintlatzacuiltis catli nechtoquilijtinemij?
85 Nopa masehualme catli mohueyimatij huan catli quicualancaitaj moleyes quichijtoque se hueyi ostotl para ma nimasi.
86 Techpalehui, pampa motlanahuatilhua senquistoc xitlahuac,
87 San quentzi nechixpolihuiltíaj,
88 Pampa hueyi moyolo, techcahuili ma niitzto.
89 TOTECO, mocamanal eltos temachtli para nochipa nepa ilhuicac.
90 Mojmostla ta titemachtli huan tiitztos temachtli ica nochi catli tlacajtiyase para nochipa.
91 Nochi tlamantli mocahua campa tiquinnahuati ma eltoca hasta ama ni tonal.
92 Sintla amo nimopaquilismacatosquía ipan moley,
93 Amo quema niquinelcahuas motlanahuatilhua,
94 Na nimoaxca, techmaquixti pampa nochipa nijchijtinentoc catli quiijtohuaj motlanahuatilhua.
95 Masque nopa tlaixpanoca tlacame motlatise ipan ojtli para nechtzontlamiltise,
96 Nochi tlamantli catli más cuajcualtzi niquitztoc canque ontlami,
97 ¡Tlahuel niquicnelía moley!
98 Motlanahuatilhua nechchijtoque más nitlalnamiqui que nocualancaitacahua.
99 Quena, achi más nitlalnamiqui hasta niquintlani inijuanti catli notlamachtijcahua,
100 Na más nijmachilía que nopa huehue tlacame,
101 Amo quema nijnectoc nijtoquilis se ojtli catli amo cuali,
102 Amo nimohuejcatlalijtoc tlen motlamachtil,
103 Nijmati nelía ajhuiyac mocamanal.
104 Motlanahuatilhua nechmacaj tlalnamiquilistli.
105 Mocamanal eltoc quen se tlahuili catli quitlahuilía noojhui campa ninejnemi para amo nimotepotlamis.
106 Se huelta nitlatestigojquetzqui,
107 TOTECO, nechcatitoc para nimiquis ininmaco nocualancaitacahua.
108 TOTECO, nimitztlajtlanía xijseli nopa tlascamatili catli nimitzmaca quen se tlacajcahualistli.
109 Mojmostla nimopantía campa mahuilili para nonemilis,
110 Nopa tlaixpanoca masehualme quitlalíaj tlaquetztli para ma nimasi huan nihuetzis ipan tlajtlacoli,
111 Na san nimoaxcatijtoc motlajtol,
112 Ica nochi noyolo nijchihuas catli quiijtohuaj motlanahuatilhua nochipa hasta nimiquis.
113 Amo nijnequi niquinitas masehualme catli quichihuaj ome iniixayac.
114 Ipan ta nimotlatía para amo nechcocose nocualancaitacahua huan ipan ta nimomanahuía.
115 Ma nechtlalcahuica nopa masehualme catli fiero inintlalnamiquilis.
116 Huajca noTeco, techmaca yancuic fuerza senquistoc quen techtlajtolcahuili.
117 Techfuerzajmaca para nimomaquixtis ininmaco nocualancaitacahua,
118 Ta tiquinhuejcamajcajtoc nochi catli quitlahuelcahuaj catli techyolmelajtoc.
119 Nochi masehualme catli quinpactía tlajtlacolchihuaj ipan ni tlaltipactli tiquinita quen itetejtzo tepostli catli mocahua quema tijmolonía para tijtlapajpacchihuas.
120 Nochi notlacayo huihuipica pampa mitzimacasi huan mitztlepanita, Toteco.
121 Na nijchijtoc catli xitlahuac huan catli melahuac moixpa.
122 Xitlatestigojquetza para techtiochihuas na, nimotequipanojca.
123 Campa hueli nitlachixtoc pampa nijchixtoc techmaquixtiqui tlen nocualancaitacahua,
124 TOTECO, ipan motlaicnelijcayo techchihuili catli cuali na, nimotequipanojca.
125 Na nimotequipanojca, techmaca tlalnamiquilistli,
126 TOTECO, ya ajsic hora para timonextis huan tijchihuas catli tiquita para cuali.
127 Pero na más niquinicnelía motlanahuatilhua huan amo quen oro catli senquistoc cuali.
128 Pampa nochi motlanahuatilhua nelía xitlahuac.
129 Motlajtol nelía yejyectzi, TOTECO,
130 Quema quiixtomaj mocamanal,
131 Yeca tlahuel nijnequi niquiximatis más catli quiijtohuaj motlanahuatilhua,
132 Techtlachili huan techtlasojtla,
133 Techyacana ipan se cuali ojtli ica mocamanal para amo nechtlanis niyon se tlaixpanoli.
134 Techmanahui tlen nopa tlacame catli mosisiníaj huan quinequij nechtlaijiyohuiltise.
135 Ma monexti moteicnelijcayo ipan moixayac quema techtlachilía na, nimotequipanojca,
136 Tlahuel nichoca pampa miyac masehualme amo quitlepanitaj moley.
137 TOTECO, ta nelía tixitlahuac huan nochi tlatzacuiltili catli titemaca nojquiya xitlahuac.
138 Nochi motlajtol xitlahuac huan temachtli para ipan ma timotemachica.
139 Nelía nimotequipachohua huan nicualani,
140 Nochi moley nijyejyecojtoc huan niquitztoc para nelía tlatzejtzeloltic.
141 Nelía niteicneltzi huan miyac amo quinequij nechitase,
142 Ta tijchihua catli xitlahuac para nochipa huan moley senquistoc melahuac.
143 Ipan na huetztoc tequipacholi huan tlaijiyohuilistli,
144 Motlajtol nochipa xitlahuac.
145 Ica nochi noyolo nimitztzajtzilía.
146 Na nimitztzajtzilía huan nimitzilhuía:
147 Nimehua ica ijnaloc quema ayamo quisa tonati,
148 Ica tlayohua amo nicochi pampa san nimonejnehuilía tlen nochi catli tiquijtojtoc techchihuilis.
149 Techtlacaquili pampa titetlasojtla, TOTECO.
150 Nechca hualahuij nopa tlacame catli mosisiníaj huan nechtepotztocatinemij.
151 Pero ta tinoTeco tiitztoc nonechca.
152 Hasta quema niitztoya nitziquitetzi niquiximatqui motlajtol,
153 Xijtlachili notlaijiyohuilis huan techmanahui,
154 Quena, techtenpalehui huan techmanahui quen techtlajtolcahuilijtoc para tijchihuas.
155 Amo tiquinmaquixtis nopa masehualme catli amo mitztlepanitaj.
156 TOTECO, ta tlahuel techtlasojtla.
157 Miyac nocualancaitacahua nechtepotztocatinemij huan quichihuaj campica para ma nimitzixpano,
158 Na niquincualancaita nopa tlacajcayahuani,
159 Xiquita TOTECO, na tlahuel niquinicnelía motlanahuatilhua.
160 Nochi mocamanal senquistoc melahuac.
161 Tlacame catli quipiyaj tequiticayotl nemij notepotzco para nechcocose masque amo tleno niquinchihuilijtoc,
162 Na nimopaquilismaca ipan mocamanal quen se catli paqui miyac quema quipantijtoc catli tlahuel patiyo.
163 Nijcualancaita nochi tlamantli istlacatili,
164 Nimitzhueyimati chicome huelta ipan se tonal,
165 Nochi catli quiicnelíaj moley quipiyaj miyac tlasehuilistli ipan ininyolo,
166 TOTECO, tlahuel nimochixtoc para techmaquixtis
167 Na nijneltoca motlajtol huan niquicnelía ica nochi noyolo.
168 Na nijchihua catli quiijtohuaj motlanahuatilhua huan motlajtol,
169 TOTECO, xijtlacaquili catli nimitztlajtlanía,
170 Xijtlacaquili catli nimitztlajtlanía quema nimotlatlajtía,
171 Na nimitzpaquilismacas,
172 Nitepohuilis nochi catli tiquijtojtoc,
173 Ximocualtlali para techmanahuis,
174 TOTECO, nijnequi techmaquixtiqui,
175 Techcahuili ma noja niitztos para nimitzhueyimatis.
176 Na nimocuapolojtoc quen se pilborregojtzi,