1 ¡NoTeco Dios, noyolo mocualtlalijtoc para nimitzhueyimatis!
2 ¡Quena, na nihuicas huan nitlatzotzonas ipan noguitarra huan noarpa!
3 Nimitzpaquilismacas, TOTECO,
4 Pampa ta tlahuel titemachtli huan onpano miyac motlaicnelijcayo,
5 Ma nochi mitzhueyimatica nepa ilhuicac, Toteco Dios.
6 Xijtlacaquili quenicatza mitztzajtzilíaj moconehua catli tiquinicnelía.
7 Toteco Dios camanaltic ipan itiopa huan quiijto:
8 Pampa na noaxca tlali Galaad huan Manasés.
9 Pero catli itztoque ipan tlali Moab huan Edom nechtequipanose,
10 ¿Ajqueya nechmacas chicahualistli para niquintlanis nopa altepeme catli moyahualtzactoque ica tepamitl?
11 ¿Amo elis ta, tiToteco Dios, catli techyacanas?
12 Techpalehui para tiquintlanise tocualancaitacahua pampa san motlapalehuil ipati.
13 Pero ica ta motlapalehuil tijchihuase huejhueyi tlamantli.