1 Nelía cuali para timitzhueyichihuase, TOTECO,
2 Ica ijnaloc ma titepohuilica moteicnelilis pampa hueyi moyolo,
3 Ma tihuicaca huan ma titlatzotzonaca ica nopa tlatzotzonali tlen itoca arpa, guitarra huan lira.
4 NoTeco Dios, ta nelía titechchihuilijtoc miyac tlamantli tlen cuali,
5 ¡TOTECO, ta tijchihua huejhueyi chicahualnescayotl!
6 Nopa tlacame tlen huihuitique ax quimatij niyon ax quimachilíaj.
7 Tlacame tlen fiero ininyolis motlalanaj huan mohueyichihuaj ica tlamantli tlen ax cuali,
8 Pero ta tiTOTECO, mitzhueyitlalijtose para nochipa pampa ta tiDios Tlen Más Hueyi.
9 Xiquita nica itztoque mocualancaitacahua pero nojquiya nica tiquintzontlamiltis.
10 Pero tinechmacas na chicahualistli queja se toro tlen nemi cuatitla.
11 Niquitas quejatza tiquintzontlamiltis nocualancaitacahua.
12 Pero tlen itztoque xitlahuaque iixtla Toteco quipiyase chicahualistli.
13 Tlacame tlen cuajcualme quipiyase chicahualistli queja cuatini tlen quintoctoque ipan ichaj TOTECO,
14 Huan quema nopa cuajcualme huehuejtiyase, noja quipiyase fuerza.
15 Huan ya nopa quinextis para TOTECO tlen nechmocuitlahuía quichihua tlen melahuac.