1 Tlen motlatzquilijtoc ipan Toteco Dios Tlen Más Hueyi itztos temachtli imaco,
2 Huan na niquijtos tlen TOTECO para yajaya nechmocuitlahuía ica ihueyi chicahualis.
3 Pampa san yajaya hueli mitzmanahuis tlen nochi tlaquetztli tlen sequinoc quintlatise para mitzmasiltise.
4 Queja se tenanpiyo quintlatía ipilconehua ieltlapaltzala,
5 Huajca ama ayoc ximajmahui ica tlayohua,
6 Amo xiquimacasi nopa tlaijiyohuilistli tlen huala ipan tzintlayohuilotl,
7 Yonque monechca miquise mil o majtlactli mil tlacame,
8 Ica moixtiyol tiquitas quejatza quiselise tlatzacuiltili nopa tlaixpanoca tlacame.
9 Intla timotemachijtoc ipan TOTECO para mitzmocuitlahuis,
10 huajca ax mitzajsis niyon se tlamantli tlen ax cuali,
11 Pampa Toteco quintitlanis ielhuicac ejcahua para ma mitzmocuitlahuica,
12 Huan ielhuicac ejcahua mitztlalanase ica ininma para ax timotepotlamis ipan ojtli.
13 Niyon ax timajmahuis yonque tijquetzas moicxi ipan se león o se cohuatl tlen temictía.
14 Pampa Toteco Dios quiijtohua:
15 Quema nechtzajtzilis, na nijnanquilis.
16 Nijchihuas ma itzto tlahuel miyac xihuitl huan nijmaquixtis.”