1 Nimitzhuicatis, TOTECO, para nochipa pampa tlahuel hueyi moyolo ica na.
2 Na niquijto: “Ta titetlasojtlas para nochipa.
3 Ta tiquijtojtoc para tijchijqui se tlajtolsencahuali ica motlatequipanojca David tlen tijtlapejpenijtoc.
4 Tiquilhui para se iixhui mosehuis ipan isiyaj campa yajaya tlanahuatía,
5 TOTECO, tlen itztoque ipan elhuicac mitzpaquilismacaj ipampa nochi nopa chicahualnescayotl tlen tijchihua.
6 Pampa ipan nochi elhuicac axaca seyoc tlen san se queja ta, Toteco Dios.
7 Toteco Dios, ta nelía tihueyi huan titemajmati.
8 TOTECO, ta tiDios Tlen Tijpiya Nochi Chicahualistli,
9 San ta tihueli tijnahuatía nopa hueyi atl quema mosisinía huan mocoxonía chicahuac.
10 Ta tijtzontlamilti nopa tlen temajmatiyaya ipan hueyi atl.
11 Ta moaxca elhuicactli, tlaltepactli huan nochi tlen onca,
12 Tijchijchijqui nopa norte huan sur.
13 Moajcol tlahuel quipiya chicahualistli.
14 Motlanahuatilis motlatzquilijtoc ipan ome tlamantli:
15 Nelía paquij nopa tlacame tlen quicaquij nopa tlapistli tlen quinnotza ma mitzhueyichihuaca, TOTECO.
16 Mojmostla mopaquilismacase ipan ta pampa tlahuel tihueyi huan tixitlahuac.
17 Pampa san ta tijpiya mohueyitilis huan tiquinfuerzajmaca.
18 Quena, Toteco Dios, ta tlen titlatzejtzeloltic titechmocuitlahuía tojuanti ipan tlali Israel.
19 Ipan se tlanextili tijcamahui motlatzejtzeloltijca tiocamanalojca huan tiquilhui:
20 Quena, nijpantijtoc notlatequipanojca David huan nicaltijtoc ica nopa aceite tlen ica niteiyocatlalía para ma nechtequipanoca.
21 Nijchihuas ma eli temachtli huan nijmacas chicahualistli.
22 Ax quiicnotlalise icualancaitacahua,
23 Iixpa niquintzontlamiltis icualancaitacahua huan nochi tlen quicocolíaj.
24 Na tlen nitemachtli nijmocuitlahuis huan nijtiochihuas ajachica,
25 Na nijchihuas para itlanahuatilis pehuas campa atemitl Éufrates,
26 Huan yajaya nechtzajtzilis huan nechilhuis:
27 Na niquitas nopa tlanahuatijquetl queja noachtohui cone.
28 Niquicnelis para nochipa huan para nochipa nijchihuilis tlen cuali.
29 Na nijtequimacas se iixhui para ma tlanahuatis campa yajaya tlanahuatiyaya.
30 Pero intla iconehua quitlahuelcahuase noley huan ax monejnemiltise queja quiijtohua notlamachtil,
31 o intla quiixpanose tlen niquinnahuatijtoc ma quichihuaca ipan ininyolis huan ax quintlepanitase notlanahuatilhua,
32 huajca niquintlatzacuiltis pampa ya nopa quinextis para ax nechneltocatoque huan tlajtlacolchihuaj.
33 Pero ax nijcahuas niquinicnelis,
34 Ax niquilcahuas tlen ica nimocajtoc David huan ax nijpatlas notlajtol.
35 Pampa na nitlatestigojquetzqui para nijchihuilis David nochi tlen nijtlajtolcahuilijtoc.
36 Iixhui mosehuis huan tlanahuatis para nochipa campa ya mosehui.
37 Quena, itlanahuatilis tlahuel huejcahuas queja huejcahuas metztli,
38 ¿Huajca para tlen tinechtlahuelcahua huan tinechhuejcamajcahua?
39 ¿Huelis tijxolejtoc nopa tlajtoli tlen tijchijqui ihuaya?
40 Tijcahuili tocualancaitacahua ma quihuelonica nopa tepamitl tlen yahualtic quitzacuayaya toaltepe.
41 Nochi tlen panoj nopano quiixtequij tlen inijuanti quinequij.
42 Tiquinfuerzajmacatoc tocualancaitacahua,
43 Tijquixtili itlatequiyo tomachete tlen ica titlatehuiyayaj,
44 Tinechquixtili noyejyejca huan tijmajcajtoc hasta tlalchi notlanahuatilis.
45 Tinechchihuilijtoc ma nitlalochhuehuentiya huan tinechpinahualtijtoc iniixpa nochi tlacame.
46 TOTECO, ¿hasta quema tlamis ticualantos?
47 ¡Toteco, xiquilnamiqui para toyolis ax huejcahuas ipan ni tlaltepactli!
48 Niyon se tlacatl ax huelis itztos para nochipa. ¡Nochi miquise!
49 NoTeco Dios, ¿canque eltoc moteicnelilis tlen huejcajquiya?
50 TOTECO, xijtlachili quejatza nochi tlacame techcocolíaj tojuanti timotlacajhua.
51 Mocualancaitacahua quipinahualtíaj yajaya tlen tijtlapejpenijtoc para elis tlanahuatijquetl.
52 Ma tijpaquilismacaca TOTECO para nochipa.