1 TOTECO, ta tlen tinoDios huan tinotemaquixtijca.
2 Xinechtlacaquili quema nimomaijtohua huan quema nimitztzajtzilía,
3 pampa nijmati nisiyajtoc ica nochi tlen ax cuali hasta nijmati ya nechca eltoc para nimiquis.
4 Miyac quiijtohuaj para ya tlantinemi noyolis huan para ayoc nijpiya chicahualistli.
5 Tlacame nechtlahuelcajtoque para ma nimiqui.
6 Ta tinechtlalijtoc ipan nopa tlacoyoctli tlen más huejcatla campa onca tzintlayohuilotl tlen más yayahuic.
7 Mocualancayo nechtlaijiyohuiltía chicahuac huan ajachica nechtlatzintlanhuetziltía más.
8 Tijchijtoc para noteixmatcahua ma nechtlahuelcahuaca huan ma nechijiyaca.
9 Ayoc hueli nitlachiya pampa tlahuel nimochoquilijtoc.
10 Pero nijmachilía para, quena, nimiquis nimantzi,
11 Se mijcatzi tlen ya quitlalpachojtoque ax huelis tepohuilis para tijpiya hueyi teicnelili.
12 Nepa campa tzintlayohua ax huelise tepohuilise nopa huejhueyi chicahualnescayotl tlen tijchihua.
13 Pero na nimitztzajtzilijtoc ta TOTECO,
14 TOTECO, ¿para tlen tijcocolía noyolis?
15 Na niitztoc ipan tlaijiyohuili huan cuesoli hasta quema noja niitztoya nitelpocatl.
16 Miyac huelta hualajtoc nopan na mohueyi cualancayo,
17 Quena, nochi nopa tlamantli nechyahualojtoc queja atl.
18 Nochi tlen niquinicnelía huan tlen itztoyaj nohuampoyohua tiquinchijtoc ma nechtlahuelcahuaca,