1 Notlacajhua, xijtlacaquilica notlamachtil huan nochi tlen niquijtohua,
2 pampa nimechnextilis tlamantli tlen axaca más quimati tlen panoc huejcajquiya.
3 Tlamantli tlen tijcactoque huan tijmajtoque pampa totatahua techpohuilijque.
4 Quena, nimechmatiltis para inhuelise inquinpohuilise imoconehua nochi nopa yejyectzitzi huan huejhueyi tlamantli,
5 Toteco Dios quimacac miyac tlanahuatili Jacob ipan tlali Israel para ma monejnemiltica xitlahuac,
6 huan iniixhuihua tlen tlacatise teipa.
7 Yeca hasta ama miyac tlacame quintlepanitaj itlanahuatilhua Toteco Dios,
8 Pampa ax quinamiqui para elise queja ininhuejcapan tatahua tlen moyoltetilijque huan ax tlatlepanitaque.
9 Nopa tlacame tlen tlali Efraín mocuepatoj huan cholojque ipan nopa tonali quema yahuiyayaj tlatehuitij.
10 Ax quintlepanitaque itlanahuatilhua Toteco Dios,
11 Quiilcajque nochi tlamantli tlen yajaya hueli quichihua.
12 Quena, Toteco Dios quichijqui miyac tlamantli iniixpa ininhuejcapan tatahua ipan tlali Egipto campa itoca Zoán.
13 Quitlajcoxelo nopa hueyi atl huan quichijqui ma panoca.
14 Ica tonaya quinyacanqui ica se mixtli para quinecahuilis,
15 Ipan huactoc tlali quitlapo nopa hueyi tetl huan quisqui miyac atl para atlique hasta aixhuique.
16 ¡Quena, ipan tetl quisqui miyac atl tlen motlalo queja se atemitl!
17 Pero inijuanti quisenhuiquilijque ax quitlepanitaque.
18 Pampa quiyejyecojque Toteco Dios huan quitlajtlanijque tlacualistli tlen ininyolo quinequiyaya.
19 Hasta cualanque ica Toteco huan quiijtojque:
20 Xiquitaca, Toteco Dios quitlapo nopa hueyi tetl huan quisqui miyac atl queja eltosquía se atemitl hasta atzonpolijqui tlali,
21 Huan quema TOTECO quicajqui ni tlamantli, tlahuel cualanqui.
22 pampa inijuanti ax quineltocaque Toteco Dios,
23 Pero yonque queja nopa quichijque,
24 Huan quichijqui ma huetzi nopa tlacualistli tlen itoca maná para ma quicuaca queja quema huetzi atl.
25 Tlacame quicuajque tlen elqui inintlacualis ielhuicac ejcahua Toteco.
26 Ica ihueyi chicahualis quihualicac nopa ajacatl tlen huala campa quisa tonati huan tlen huala ica sur para ma tlaajaca campa elhuicactli.
27 Quichijqui ma hualaca miyac totome queja imiyaca tlaltejpoctli.
28 Huan Toteco quichijqui para nopa totome ma huetzica tlatlajco campa quichijtoyaj ininyoyoncal.
29 Huan nopa tlacame tlacuajque hasta ixhuique.
30 Pero quema sanoc tlantoyaj tlacuaj,
31 Toteco Dios motlalanqui ica ihueyi cualancayo,
32 Pero yonque Toteco quinchihuili ya nopa,
33 Yeca Toteco quintlaijiyohuilti ipan nochi ininyolis huan quintzontlamilti san ica se tlalochtli.
34 Pero teipa, quema ya quintzontlamiltijtoya sequin,
35 Huan quiilnamijque para yajaya Toteco Dios tlen quinmocuitlahuiyaya para ax quinajsis tlen ax cuali.
36 Pero nopa israelitame ax quitoquiliyayaj ica nochi ininyolo.
37 Pampa ininyolo eltoya huejca tlen Toteco.
38 Pero Toteco quipixqui hueyi iyolo ica inijuanti.
39 Pampa Toteco quiilnamijqui para inijuanti san elque tlacame tlen ininyolis ixpolihui san ica se tlalochtli,
40 Nepa ipan huactoc tlali,
41 Ajachica quiyejyecojque,
42 Quiilcajque ihueyi chicahualis huan iteicnelijcayo.
43 Quiilcajque quejatza Toteco quititlanqui tlatzacuiltili ipan tlali Zoán huan ipan tlali Egipto.
44 Quiilcajque quejatza quicuepqui estli nopa atl huan ayoc aca huelqui quiic.
45 Quiilcajque quejatza quintitlanqui tlahuel miyac sayolime hasta quitemitijque nopa tlali.
46 Toteco quintitlanqui ocuilime huan chapolime para ma quicuaca inintlatochui huan ininpixquilis.
47 Ica tesihuitl quintzontlamilti ininxocomecamil huan ininhiguera mil.
48 Ininhuacaxhua mijque ipan potrero pampa Toteco Dios quinmajcahuili tesihuitl tlen tlahuel huejhueyi.
49 Quena, Toteco tlahuel cualanqui ica inijuanti,
50 Cualanqui nelchicahuac huan ax quimanahui niyon se Egipto ejquetl.
51 Teipa Toteco quinmicti nopa achtohui ehuani ipan sesen familia tlen tlali Egipto.
52 Pero quinquixti itlacajhua queja elisquíaj pilborregojtzitzi,
53 Quinyacanqui ica miyac temachili para ma ax majmahuica.
54 Huan quinhuicac hasta campa inepantipa nopa tlali tlen tlatzejtzeloltic.
55 Iniixtla quintotocac nopa tlacame tlen itztoyaj ipan nopa tlali.
56 Pero yonque quinchihuili ya nopa,
57 Yeca mocuepque para ax calaquise ipan nopa tlali tlatencahuali huan quicamaijixnamijque san se queja inintatahua quichijque.
58 Quicualancamacaque Toteco pampa mochijchihuilijque teteyome huan tlaixpamitl para quinhueyichihuase ininteteyohua.
59 Pero quema Toteco Dios quiitac ya ni,
60 Huan quitlahuelcajqui itiopa tlen eltoya ipan altepetl Silo,
61 Huan Toteco quincahuili inincualancaitacahua ma quihuicaca icaxa tlen quinpixtoya itlanahuatilhua.
62 Nojquiya quintemactili itlacajhua ininmaco inincualancaitacahua para ma quinmictica ica machete,
63 Inintelpocahua quintlatijque,
64 Quintzontlamiltijque nopa totajtzitzi ica machete huan ininsihuajhua nojquiya mijque nimantzi,
65 Huajca Toteco motlalanqui queja quema se acajya cochi huan mehua,
66 Huan Toteco quinixtacahui quintehui icualancaitacahua.
67 Pero Toteco quintlahuelcajqui nopa huejhueyi familias tlen hualajqui tlen José huan Efraín.
68 San quintlapejpeni ihueyi familia Judá,
69 Huan nopano quichijchijqui itiopa tlen yejyectzi huan temachtli,
70 Quitlapejpeni itlatequipanojca, David,
71 quema yahuiyaya inintepotzco nopa tenan borregojme tlen quinpiyayayaj ininconehua,
72 Huan quena, David quinmocuitlahui itlacajhua Toteco ica nochi ichicahualis huan ica nochi iyolo.