1 Toteco Dios, xinechmaca motlamachtil huan xinechpalehui na tlen nitlanahuatijquetl,
2 Xijpalehui para ma quintlajtolsencahuas xitlahuac nochi motlacajhua,
3 Xijchihua para nochi tlacame ipan ni tlali ma paquica pampa nopa tlanahuatijquetl quichihua tlen xitlahuac,
4 Yajaya quinmanahuis tlen itztoque ipan cuesoli huan tlen ax tleno quipiyaj.
5 Huan tlen teicneltzitzi huan ax tleno quipiyaj mitzimacasise mitzixpanose nochi tonali quema noja eltos tonati huan metztli.
6 Huan nochi altepetini ipan itlanahuatilis nocone ma eli yejyectzi huan temachtli,
7 Huan nochi tlacame tlen itztoque xitlahuaque huan cuajcualme,
8 Itlanahuatilis nocone ma ajsi hasta campa pehua huan hasta campa ontlami nopa hueyi atl.
9 Nochi tlacame tlen itztose ipan huactoc tlali mohuijtzomase iixpa,
10 Nochi nopa tlanahuatiani tlen itztoque itejteno nopa hueyi atl tlen itoca Mediterráneo,
11 Quena, nochi tlanahuatiani tlen campa hueli tlaltini motlancuaquetzase, huan moixtlapachose iixpa huan quitequipanose.
12 Yajaya quinmanahuis nopa teicneltzitzi huan tlen ax tleno quipiyaj quema quitlajtlanise tlapalehuili.
13 Yajaya quintlasojtlas tlen ax quipiyaj chicahualistli huan tlen teicneltzitzi,
14 Quinmanahuis para ax quintlaijiyohuiltise huan para ax quintehuise.
15 Huan quema noja itztos nopa tlanahuatijquetl,
16 Ma oncas miyac trigo ipan nochi nopa tlali,
17 Nochi ma quihueyimatica nopa tlanahuatijquetl para nochipa,
18 Ma tijhueyichihuaca TOTECO Dios tlen toDios tiisraelitame,
19 Nochipa ma tijpaquilismacaca Toteco.
20 Nica tlami momaijtohua David, icone Isaí.