1 ¡TOTECO, na san ipan ta nimotemachijtoc!
2 ¡Xinechmanahui tlen nocualancaitacahua,
3 Nochipa san nimotlatijtoc huan nimotemachijtoc ipan ta para ax nechajsise nocualancaitacahua.
4 NoTeco Dios, xinechmanahui ininmaco ni mosisinijca tlacame huan temictiani.
5 TOTECO, ta tlen titoTeco, san ipan ta nimotlatzquilijtoc,
6 Ta nochipa tiitztoc nohuaya hasta quema noja niitztoya iijtico nonana.
7 Miyac san nechsentlachilíaj pampa quiitaj quejatza tinechmocuitlahuía.
8 Semilhuitl nimitzpaquilismacas huan nimitzhueyimatis ipampa nochi tlen tinechchihuilijtoc.
9 Amo xinechtlahuelcahua ama quema ya nihuehuentzi huan ayoc nijpiya fuerza.
10 Pampa nocualancaitacahua nechijilnamiquij,
11 Huan quiijtohuaj:
12 ¡Toteco Dios, amo ximohuejcatlali tlen na!
13 Xiquinpinahualti huan xiquintzontlamilti nopa nocualancaitacahua tlen quinequij nechchihuilise tlen fiero.
14 Pero na más nimotemachis mopan ta para tinechpalehuis.
15 Nochi tlacame niquinilhuis para san ta ticuali huan niquinpohuilis quejatza tinechmanahuijtoc,
16 Nochi tonali ninejnemi ica nopa chicahualistli tlen tinechmaca, TOTECO, ta tlen tinoDios.
17 ¡Toteco Dios, ta tinechpalehuijtoc hasta quema noja nieliyaya niconetzi!
18 ¡Toteco Dios, ama quema ya nihuehuentzi huan nicuaichyojqui,
19 Toteco Dios, mochicahualis huan tlen xitlahuac tijchihua onajsi hasta elhuicac.
20 Ta tinechcahuilijtoc ma nijpano huejhueyi tlaohuijcayotl huan cuesoli.
21 Huan huajca achi más tinechhueyitlalis huan sampa tinechyoltlalis.
22 Huan na nimitzpaquilismacas ica tlatzotzonali tlen arpa huan guitarra.
23 Ica paquilistli nitzajtzis huan nihuicas para niteilhuis quejatza tinechmaquixtijtoc.
24 Semilhuitl nitepohuilis para ta tijchihua tlen xitlahuac,