1 NoTeco Dios, xinechmaquixti,
2 Eltoc queja nimasitoc ipan soquitl tlen huejcatla huan ax hueli niquisa.
3 Tlahuel nichocatoc hasta nisiyajtoc.
4 Tlahuel miyac nopa tlacame tlen nechcocolíaj yonque ax tleno niquinchihuilijtoc.
5 NoTeco Dios, ta tijmati para nelía nihuihuitic,
6 TOTECO, ta tiDios Tlen Tijpiya Nochi Chicahualistli,
7 Pampa nimitzicnelía, niquijiyohuijtoc pinahualistli,
8 Hasta noicnihua nechchihuaj queja ax nechixmatij huan nechitaj,
9 Quena, niquicnelía motiopa ica nochi noyolo yonque ica ya nopa monequi nimiquis.
10 ¡Quena, tlahuel nechhuetzquilíaj huan nechpinajtíaj,
11 ¡Tlahuel fiero camatij tlen na quema nimoquentía yoyomitl tlen sosoltic para nijnextis nimocuesohua ipampa notlajtlacolhua!
12 Nopa tlayacanca tequihuejme tlen mosehuíaj ipuertajteno altepetl,
13 Pero TOTECO na nijsenhuiquilía nimitztemohua huan nimomaijtohua ipan ta,
14 Xinechquixti tlen ni soquitl tlen huejcatla campa nimasitoc.
15 Amo xijcahuili ma nechtlaijiyohuilti ni tlahuelatl,
16 TOTECO, xinechnanquili quema nimitztzajtzilía pampa ta nelía ticuali.
17 ¡Amo ximotlati quema nimitztemohua pampa tlahuel nitlaijiyohuía!
18 Xihuala, noTeco Dios huan xinechmanahuiqui.
19 Ta tijmati quejatza camatij fiero tlen na huan quejatza nechpinahualtijtoque.
20 Inijuanti tlahuel nechyolcocojtoque huan nechcuesolmacatoque.
21 Quema nimayanayaya nechmacaque pajtli tlen temictía para notlacualis.
22 Nopa paquilistli tlen inijuanti quipiyaj ma mocuepa ica cuesoli.
23 Ma huala ininpani tzintlayohuilotl huan ma huihuipicaca pampa ayoc quipiyase más fuerza.
24 Xiquinnextili mohueyi cualancayo huan xiquintzontlamilti.
25 Ipan inintequicalhua ma mocahua tlaxolejtoc,
26 Pampa inijuanti más quitlaijiyohuiltíaj tlen ta tijcocojtoc,
27 Xiquijcuilo nochi inintlajtlacolhua huan amo xiquintlapojpolhui.
28 ¡Xiquixpolo inintoca ipan moama campa eltoc inintoca inijuanti tlen yoltoque!
29 Pero na tlen nitlaijiyohuía huan niteicneltzi,
30 Huan huajca nihuicas huan nijpaquilismacas Toteco Dios.
31 Huan TOTECO achi más quipactis ya nopa,
32 Inijuanti tlen teicneltzitzi quiitase Toteco Dios quema quinmacas itlapalehuil,
33 Pampa TOTECO quintlacaquilía tlen teicneltzitzi,
34 ¡Xijpaquilismacaca TOTECO nochi imojuanti tlen initztoque ipan elhuicactli huan tlaltepactli!
35 Pampa Toteco Dios quimaquixtis ialtepe, Jerusalén,
36 Huan teipa ininconehua nojquiya moaxcatise nopa tlali.