1 ¡Ximotlalana, Toteco Dios, huan xiquinsemana nochi mocualancaitacahua!
2 Xiquinixpolo queja poctli ixpolihui ipan ajacatl.
3 Pero nochi tlacame tlen itztoque xitlahuaque ma paquica iixpa Toteco Dios huan ma huitonica ica paquilistli.
4 Xijhuicatica Toteco huan xijpaquilismacaca.
5 Toteco Dios yajaya inintata tlen icnotzitzi.
6 Toteco Dios quinmaca ininchampoyohua tlen itztoque ininseltitzi.
7 Toteco Dios, quema tiquinyacantiyajqui motlacajhua tlen tlali Egipto
8 nopa tlali mojmolini huan huetzqui atl tlen elhuicactli moixpa.
9 Toteco Dios, ta tijchijqui ma huetzi miyac atl ipan ni tlali tlen tiquinmacac motlacajhua.
10 Yeca motlacajhua mocajque nica ipan ni tlali.
11 Toteco quiijto para ya tlatlantoya,
12 “Cholojtejque nopa soldados tlen hualajtoyaj para techtzontlamiltise.”
13 Xiquitaca, yonque quinmocuitlahuiyayaj borregojme,
14 Toteco Dios Tlen Quipiya Nochi Chicahualistli quinsemana icualancaitacahua queja nopa setl tlen huetzi ipan tepetl Salmón.
15 Nochi nopa tepetini tlen huejcapantique tlen mopantíaj ipan tlali Basán iaxcahua Toteco huan nelía yejyectzi inintzonatipa,
16 pero ma ax mochicoitas ica nopa Tepetl Sion tlen TOTECO quitlapejpenijtoc para ipan itztos para nochipa.
17 Toteco Dios quisqui ipan tepetl Sinaí ica millones icuacarrojhua huan ielhuicac ejcahua.
18 Quema Toteco tlejcoc elhuicac campa más huejcapa,
19 Ma tijpaquilismacaca Toteco,
20 Toteco Dios, yajaya tlen techmalacanía tlen ininmaco tocualancaitacahua.
21 Temachtli Toteco quintzontlamiltis nochi icualancaitacahua,
22 Toteco quinilhuijtoc itlacajhua:
23 Niquinhualicas pampa monequi nochi inquintzontlamiltise.
24 NoTeco Dios, tinotlanahuatijca,
25 Inijuanti tlen huicaj tlayacantiyohuij.
26 Huan quej ni huicaj:
27 Tlayacantiyohuij iixhuihua Benjamín.
28 Toteco Dios, ica mohueyi chicahualis xijchihua nochi tlen titechilhuijtoc.
29 Nopa tlanahuatiani tlen nochi tlaltini quihualicaj iniofrendas ipan motiopa tlen eltoc ipan altepetl Jerusalén.
30 Toteco Dios, xiquinajhua tocualancaitacahua.
31 Nopa Egipto ehuani quinhualicase inintelpocahua huan nochi tlamantli ininteposhua tlen yejyectzitzi huan pajpatiyo.
32 Nochi intlanahuatiani ipan nochi ni tlaltepactli,
33 Yajaya tlen nentinemi ipan nopa elhuicactli tlen hasta huejcajquiya eltoc.
34 Xiquinpohuilica nochi tlacame quejatza hueyi ichicahualis Toteco Dios.
35 Ma tijhueyitlepanitaca Toteco Dios pampa temajmati ihueyitilis nopano ipan itiopa.