1 ¡Toteco Dios, ta tinoDios!
2 Nijnequi niquitas mochicahualis huan mohueyitilis queja niquitac ipan motiopa.
3 Pampa moteicnelijcayo más hueyi ipati huan ax noyolis.
4 Huan nochi tonali quema noja niitztos, nimitztiochihuas.
5 Huan huajca, quena, nijmatis queja elisquía ya niixhuic ica se tlacualistli tlen ajhuiyac.
6 Nochi yohuali quema nimoteca ipan notlapech huan ax hueli nicochi,
7 Nimoilhuía quejatza tinechpalehuijtoc huan yeca sesen yohuali tlahuel nipaqui.
8 Nimotlatzquilijtoc ipan ta pampa san ta tinechmocuitlahuía ica mohueyi chicahualis.
9 Nochi tlen quinequij nechmictise yase mictla.
10 Pampa ya eltoc tlasencahuali para miquise,
11 Pero na, nitlanahuatijquetl, nimopaquilismacas ipan ta, Toteco Dios.