1 Na san ipan Toteco Dios nimochiya para yajaya ma nechmanahui,
2 Nimotlatía ipan ya para ax tleno nechajsis.
3 Pero ¿hasta quema tlamis nocualancaitacahua nechtehuise?
4 Quena, san moilhuíaj san sejco quejatza huelis nechtzontlamiltise.
5 Pero na san nimochiya ipan Toteco Dios,
6 Nimotlatía ipan ya para ax tleno nechajsis.
7 San Toteco Dios hueli nechmaquixtis huan sampa nechhueyitlalis iniixpa sequinoc.
8 ¡Innotlacajhua, nochipa ximotemachica ipan Toteco Dios!
9 Ax tleno nelía ininpati tlacame iixpa Toteco,
10 Tlacame, amo ximoilhuica para intlatehuise para inquitlanise más tomi.
11 Nijmati ya ni, pampa miyac hueltas Toteco Dios nechilhuijtoc:
12 San ta, Toteco, titeicnelía mojmostla.