1 Nimoilhuijtoya para nimomocuitlahuisquía miyac para ax nijchihuasquía tlen ax cuali.
2 Huajca nimochijqui queja se ninono.
3 Hasta nijmatiyaya queja noyolo tlatlayaya.
4 “TOTECO, xinechnextili quesqui tonali niitztos huan quema nimiquis.
5 Tinechmacatoc se yolistli tlen ax miyac xihuitl.
6 Nochi tlacame panotehuaj queja se ecahuilotl.
7 Huajca, noTeco, ax tleno onca tlen ipan huelis nimotemachis.
8 Xinechmaquixti tlen notlajtlacolhua.
9 Nimocamatzacuas moixpa huan ayoc nimolinis ica tlen nopanti, pampa ta tinechtlatzacuiltía.
10 Pero noTeco, ayoc xinechtlatzacuilti.
11 Quema se tlacatl tlajtlacolchihua, ta tijtlatzacuiltía.
12 NoTeco, xinechtlacaquili quema nimomaijtos.
13 Ayoc xinechtlatzacuilti.