1 Nijtlascamatis TOTECO ajachica huan nochipa nijsenpaquilismacatos.
2 Nijhueyitlalis huan niquinilhuis nochi tlacame tlen yajaya nechchihuilijtoc.
3 Ma tijhueyichihuaca huan ma tijhueyitlalica TOTECO san sejco.
4 Nijtzajtzili TOTECO ma nechpalehuiqui,
5 Sequinoc tlen motemachíaj ipan Toteco ixcahuanij ica paquilistli nojquiya,
6 Yonque nipilteicneltzi,
7 Ielhuicac ejca TOTECO quinmocuitlahuía nochi tlen quiimacasij TOTECO,
8 Xijyejyecoca TOTECO huan inquiitase para melahuac cuali iyolo tohuaya.
9 Nochi imojuanti tlen iniaxcahua TOTECO, xiquimacasica,
10 Nopa tecuanime tlen más quipiyaj chicahualistli quemantzi mayantinemij huan ax quipantíaj tlen quicuase,
11 Xihualaca noconehua, huan xinechtlacaquilica,
12 ¿Tijnequi tiitztos ica yejyectzi?
13 Monequi xijmocuitlahuis monenepil para ax tiquinmahuispolos sequinoc ica istlacatili.
14 Ximoiyocatlali ica tlen ax cuali,
15 TOTECO quintlachilía tlen nemij xitlahuac iixpa,
16 Pero TOTECO sencualantoc ica inijuanti tlen quichihuaj tlen fiero.
17 Quema tlacame tlen itztoque xitlahuaque iixpa TOTECO quitzajtzilíaj,
18 TOTECO itztoc ininnechca tlacame tlen mocuesohuaj.
19 Se tlacatl tlen itztoc xitlahuac iixpa TOTECO quipiya miyac cuesoli,
20 Pampa TOTECO quimocuitlahuía para ax postequis niyon se iomiyo.
21 Se tlacatl tlen fiero iyolis miquis ipampa nopa tlamantli fiero tlen quichihua.
22 TOTECO quinmaquixtía itlatequipanojcahua.