1 Xihuicaca ica paquilistli para TOTECO imojuanti tlen initztoque xitlahuac iixpa.
2 Xitlatzotzonaca ica arpa para xijhueyichihuaca, TOTECO.
3 Xijsencahuaca se huicatl tlen yancuic,
4 Pampa nelía xitlahuac nochi tlen quiijtohua TOTECO.
5 TOTECO quipactía nochi tlen xitlahuac huan tlen melahuac.
6 TOTECO tlanahuati ma onca elhuicactli huan mochijqui.
7 Yajaya quisejcotili nochi atl tlen eltoc ipan hueyi atl.
8 Nochi intlaltepac ehuani xijhueyitlepanitaca TOTECO.
9 Pampa nochi tlen yajaya quiijto,
10 TOTECO quinxolehuilía inintlalnamiquilis tlacame ipan campa hueli tlaltini para ma ax quichihuaca tlen fiero moilhuijtoque.
11 Pero tlen TOTECO moilhuijtoc quichihuas ax quema mopatlas.
12 Paquij tlacame ipan nopa tlali tlen motemachíaj ipan TOTECO.
13 TOTECO tlen itztoc nepa elhuicac techhualtlachilijtoc nochi titlacame.
14 Hasta nepa ipan elhuicac TOTECO techtlachilijtoc tlen tiitztoque ipan ni tlaltepactli.
15 Yajaya TOTECO tlen techyolchijchijqui nochi titlaltepac ehuani huan techtlachilía nochi tlen tijchijtinemij.
16 Se hueyi tlanahuatijquetl ax tlatlani pampa quinpiya miyac isoldados.
17 Amo ximotemachi ipan se cahuayo para mitzmanahuis yonque nelía tetic.
18 Pero TOTECO, quena, yajaya nochipa techtlachilijtoc tojuanti tlen tiquimacasij tiquixpanose.
19 Techmanahuía quema tiitztoque nechca miquistli.
20 Tojuanti ipan toyoltzi timotemachíaj ipan TOTECO.
21 Yeca ma tiyolpaquica ipan TOTECO,
22 TOTECO, xijpiya moyolo tohuaya,