1 ¡NoTeco Dios! ¡NoTeco Dios!
2 NoTeco, tonali huan yohuali ax nimosiyajcahua nimitznotza,
3 Huan yonque queja nopa eltoc,
4 Totatahua mochixque ipan ta.
5 Mitznojnotzque quema tlaijiyohuiyayaj huan tiquinmaquixti.
6 Pero na nimomati queja se pilocuiltzi huan ax queja se tlacatl.
7 Nochi tlen nechitaj san noca paquij,
8 huan quiijtohuaj:
9 Pero TOTECO, na nijmati para tinechpalehuijtoc.
10 Huan quema nitlacatqui ya ipa nimotemachijtoc ipan ta.
11 Amo xinechtlalcahui pampa hualajtoc ni cuesoli huan axaca seyoc tlen huelis nechpalehuis.
12 Miyac nocualancaitacahua nechyahualojtoque queja torojme tlen mosisiníaj.
13 Nanalcaj queja tecuanime tlen mosisiníaj.
14 Na nimomati queja atl tlen mopatzcatoc huan campa hueli toyajtoc.
15 Tlantoc nochi nochicahualis.
16 Tlacame tlen ax cuajcualme nechyahualojtoque queja chichime.
17 Hasta huelis nijpohuas noomiyohua,
18 Momajmacaj tlen nimoquentiyaya.
19 Pero ta, TOTECO, amo xinechtlalcahui,
20 Xinechmanahui tlen ininmachete ni mosisinijca tlacame tlen itztoque queja chichime.
21 Eltoc queja niitztoc inincamaco tecuanime,
22 Huan na niquinpohuilis noicnihua tlen ta, TOTECO,
23 TOTECO, tojuanti tlen timitztlepanitaj huan tiquimacasij timitzixpanose timitzpaquilismacaj.
24 Pampa ax titechilcajtoc quema titlaijiyohuíaj,
25 Huajca, TOTECO, ipan nopa hueyi tlasentililistli nimitzpaquilismacas iniixtla nochi motlacajhua,
26 Huajca nochi tlen teicneltzitzi tlacuase huan ixhuise.
27 Tlacame ipan nochi tlaltini campa hueli ipan tlaltepactli motepotztocase huan quiilnamiquise TOTECO.
28 Pampa TOTECO, yajaya nopa tlanahuatijquetl tlen quinahuatía nochi tlaltini.
29 Nochi tlen quipiyaj tomi huan nochi tlen teicneltzitzi ipan ni tlaltepactli motlancuaquetzase iixpa.
30 Nojquiya noteipa ixhuihua quihueyimatise TOTECO huan tepohuilise tlen ya nochi ininnemilis.
31 Quema toteipa ixhuihua tlacajtiyase,