1 ¡TOTECO! Na nitlanahuatijquetl,
2 Tinechmacatoc tlen noyolo quinequiyaya.
3 Tinechsehui nitlanahuatijquetl ica miyac tlatiochihualistli, huan tinechicpahuiltijtoc se tepos cuayohuali tlen senquistoc oro.
4 Nimitztlajtlani xinechcahuili ma huejcahuas niitztos,
5 Tinechpalehuijtoc ma nitlatlani miyac ica mohueyi chicahualis.
6 Tinechtiochijtoc ica tlen huejcahuas para nochipa,
7 Na nitlanahuatijquetl nimotemachía ipan ta, TOTECO.
8 TOTECO, ica mochicahualis tiquinajsiti nochi mocualancaitacahua.
9 Quema timonextis, inijuanti tlatlase moixtla queja itztosquíaj ipan se horno tlen xahuantoc.
10 Tiquintzontlamiltis hasta ininconehua huan iniixhuihua.
11 Yonque tlacame tlen ax cuajcualme mitzcocolíaj huan quisencahuaj tlen ax cuali mitzchihuilise,
12 Inijuanti moicancuepase para cholojtehuase quema quiitase para tiquinmelactlachilis ica mocuahuitol tlasencahuali para tiquintehuis.
13 Timitzhueyimatij, TOTECO,