1 Elhuicactli tepohuilía ihueyitilis Toteco Dios.
2 Quena, tonali huan yohuali elhuicactli quisenhuiquilía tepohuilía para tlahuel hueyi itlalnamiquilis.
3 Yonque ax tleno caquisti huan ax tijcaquij niyon se tlajtoli,
4 Eltoc queja elhuicactli quipiya itos tlen ajsi hasta campa ontlantoc tlaltepactli,
5 Huan tonati quisa mojmostla huan yohui ipan iojhui ica paquilistli queja se telpocatl quisa ipan ichaj para mosihuajtiti.
6 Tonati quisa elhuicactli inacastla huan quimaca huelta hasta ne seyoc inacastla.
7 Ileyes TOTECO eltoc senquistoc cuali,
8 Quena, itlanahuatilhua TOTECO eltoc melahuac huan xitlahuac.
9 Senquistoc cuali para ma tijtlepanitaca TOTECO huan ma tiquimacasica para tiquixpanose.
10 Noja más nijpatiita que oro.
11 Nopa miyac tlanahuatili nechmacaj tlalnamiquistli, na niitlatequipanojca,
12 Axaca huelis momacas cuenta tlen itlaixpanolhua sesen huelta quema quichihua tlen ax cuali.
13 Huan xinechpalehui para ax nimohueyimatis,
14 Ma mitzpacti tlen niquijtohua huan tlen nimoilhuía, TOTECO,