1 Xijtlascamatica TOTECO pampa yajaya nelía cuali,
2 Xijtlascamatica Toteco Dios tlen más hueyi tlen nochi sequinoc “tiotzitzi”,
3 Xijtlascamatica Toteco Dios tlen ininTeco nochi tecojme,
4 Xijtlascamatica TOTECO pampa san ya hueli quichihua huejhueyi tlamantli,
5 Xijtlascamatica yajaya tlen quichijchijqui elhuicactli ica miyac tlalnamiquistli,
6 Xijtlascamatica yajaya tlen quitlali ni tlali ipani atl,
7 Xijtlascamatica yajaya tlen quinchijchijqui nopa tlahuili tlen onca nepa elhuicac,
8 Quichijchijqui nopa tonati para ma tlahui tonaya,
9 Huan quichijchijqui metztli huan sitlalime para ma tlahuica tlayohua,
10 Xijtlascamatica TOTECO tlen quintzontlamilti nopa achtohui ehuani tlen tlali Egipto,
11 Xijtlascamatica tlen quinquixti israelitame ipan inintlal nopa egiptome,
12 Quena, quinquixti ica ihueyi chicahualis huan ica inejmatl quinpalehui,
13 Xijtlascamatica yajaya tlen quixelo nopa Hueyi Atl Chichiltic para ma panoca itlacajhua,
14 Huan quinpanolti nopa israelitame ipan tlali huactoc tlatlajco nopa hueyi atl,
15 Pero quinatzonpolihuilti Faraón huan isoldados ipan nopa hueyi atl,
16 Xijtlascamatica Toteco tlen quinyacanqui itlacajhua ipan nopa huactoc tlali,
17 Xijtlascamatica yajaya tlen quinmanahui itlacajhua ininmaco tlanahuatiani tlen quipixque miyac chicahualistli,
18 Yajaya quintzontlamilti huejhueyi tlanahuatiani tlen tlahuel quipiyayayaj chicahualistli,
19 Quitzontlamilti Sehón, inintlanahuatijca nopa amorreos,
20 Nojquiya quimicti Og, tlanahuatijquetl tlen tlali Basán,
21 Huan inintlal nopa tlanahuatiani,
22 Quena, quimacac itlatequipanojca Israel para ma moaxcati nopa tlali para nochipa,
23 Yajaya tlen techilnamijqui tiisraelitame quema ayoc tijpiyayayaj chicahualistli,
24 Yajaya techmanahui ininmaco tocualancaitacahua,
25 Yajaya quinmaca tlacualistli nochi tlamantli tlen yoltoque,
26 Xijtlascamatica Toteco Dios tlen quinahuatía elhuicactli,