1 ¡Xijpaquilismacaca TOTECO!
2 Xijpaquilismacaca nochi imojuanti tlen initztoque ipan ichaj TOTECO huan tlen innentinemij icalixpa.
3 Xijpaquilismacaca TOTECO pampa yajaya nelía cuali.
4 Pampa TOTECO quitlapejpenijtoc Jacob para quiicnelis.
5 Na nijmati para TOTECO tlahuel hueyi.
6 TOTECO quichihua nochi tlen quinequi quichihuas ipan elhuicactli, tlaltepactli,
7 Quichihua para ipan nochi tlaltepactli ma motlalana mixtli,
8 Quichijqui ma miqui nopa achtohui ejquetl ipan sesen familia tlen tlali Egipto,
9 Quichijqui huejhueyi chicahualnescayotl ipan tlali Egipto iixtla Faraón huan itlatequipanojcahua.
10 Quintzontlamilti miyac tlacame ipan miyac tlaltini.
11 Quimicti Sehón tlen eliyaya inintlanahuatijca nopa amorreos.
12 Huan nochi nopa tlali tlen quinahuatiyayaj nopa tlanahuatiani quincuili,
13 TOTECO, tlacame mitzilnamictose para nochipa.
14 Pampa TOTECO quintlajtolsencahuas xitlahuac nochi itlacajhua,
15 Nopa tlacame tlen itztoque ipan tlaltini tlen ax quiixmatij Toteco,
16 Nopa teteyome quipiyaj inincamac, pero ax camatij,
17 Quipiyaj ininnacas, pero ax tlacaquij,
18 Nopa tlacame tlen quinchijchihuaj nopa teteyome nelía huihuitique,
19 ¡Inisraelitame, xijpaquilismacaca, TOTECO!
20 Iniixhuihua Leví, xijpaquilismacaca TOTECO.
21 Nochi tlacame ipan altepetl Jerusalén ma quipaquilismacaca TOTECO pampa yajaya itztoc nica ipan altepetl Jerusalén.